深圳輕奢酒店 - 火紅電視劇家族榮耀拍攝場景

想唔想感受一下張智霖《家族榮耀》裡面既場景？ 其實係深圳既「回酒店」，除咗家族榮耀之外，仲係多套電視劇嘅取景場地！ 今次米米就黎住返晚，呢度有成32款唔同嘅客房，今次我哋住呢間非常之大，有客廳，之後入去仲有一間超大嘅房，仲有書枱添！浴室分別有淋浴同埋浸浴，好relax，真係好有家嘅感覺！ 我地下晝check-in完就上左8樓既西餐廳，走出電梯之後會見到一個好chill嘅客廳位，有個舒服嘅梳化，外邊仲有一個水池，打卡一流！ 入到去就見到落地大玻璃，可以望到一望無際嘅景色，呢個位置仲可以睇到好靚嘅日落景色！我哋就叫咗個下午茶tea set，甜點同鹹點都有，可以喺美景底下享受美食，順便打卡！除咗可以喺窗口呢個位打卡之外，仲可以上天台打卡，可以360度欣賞日落，景色更靚！ 食完下午茶之後仲可以去健身房同埋恆溫游泳池度做嚇運動游下水！之後可以去周邊商場行嚇街，附近有九方商場同深業上城，吃喝玩樂齊全！ 而夜晚我哋就喺酒店樓下中菜廳食晚餐，菜式非常精緻有心思，質素都幾高㗎，其實價錢唔貴！ 如果離開深圳玩要搵地方過夜，呢度真係一個唔錯嘅選擇！ 地址－回酒店 華強北商業區·红荔路3015号 環境／設施－8/10 特色－7.5/10 評分－7.5/10