性價比高西班牙菜🇪🇸

最近發現咗呢間西班牙餐廳，晚餐$458一個人食到咁多嘢，質素高，真心抵食。 由tapas講起先，伊比利亞黑毛豬火腿用橡木果餵飼嘅黑毛豬，肉味香濃有層次，配埋蕃茄包清新開胃，絕配！ 牛肉他他夠新鮮，調味恰到好處，配埋脆脆幼薯，口感豐富。蜆有蒜蓉牛油香味，仲配埋多士。 西班牙三文治真係驚喜！啲芝士溶溶地，伊比利亞火腿香濃，加埋黑松露香味，層次感十足。牛頰肉就慢慢燉到軟綿入味，個薯蓉滑溜，配埋新鮮嘅西蘭花同蘑菇，完美平衡。 壓軸嘅西班牙海鮮飯！飯粒煮得夠乾身夠彈牙，海鮮有魷魚、蜆、青口、蝦。 最後個甜品西班牙炸脆條，外脆內軟，沾埋香滑嘅朱古力醬，配埋雲呢拿雪糕，完美ending！呢度餐廳環境舒適，啱小組聚餐。 📍La Paloma @lapalomahk 西環西營盤皇后大道西189號西浦1樓 #西環 #西環美食 #西班牙美食 #西班牙菜 #spanish #spanishfood #spain #hkfood #hkdining #hkrestaurant #goodvibe #vibing #foodphotography #foodcollection