台灣恒春水豚生態園

[2023夏☀️台灣恒春] 終於可以探到我心念以久嘅水豚！呢個生態園以水豚為主角，無論係正門、門票、裝飾、紀念品同小遊戲都以水豚為主角。重頭戲係可以餵水豚同埋同水豚一齊游水，近距離觀察佢地嘅呆呆樣🤣而且啲職員超友善，會教你點樣摸水豚令佢舒服，我都成功征服到幾隻，摸到佢舒服到瞓底反肚🤣勁可愛～ 📍補充資訊 生態園入場會包一紥飼草俾你餵動物，另外會有啲優惠券俾你玩小遊戲同買紀念品。除咗水豚之外，園內亦都有山羊同梅花鹿同住，大家都相處融洽～另外值得一提嘅係門票勁靚！！記住留念。園區唔算好大，計埋影相時間，大約逗留兩個鐘就足夠。 📍小驚喜 水豚作為世上最平和嘅一種動物，無論你對佢做咩，佢都係一貫嘅平靜，無咩反應😂所以，當我地發現呢度嘅水豚算係會理人已經非常驚喜。基本上你攞住啲草，佢地就會慢慢走近你。另外佢地容易被拍手聲吸引，只要你一拍手，佢地就會一隻跟住一隻咁，成群慢慢過嚟🤣😊 📌鹿儿島 🗺️ 屏東縣恆春鎮省北路275號 🚖 由恒春市中心步行15分鐘可至 #墾丁旅遊 #台灣旅行 #全球旅行