九份老街經典芋圓老店😎

#6月好去處2024 #台北美食 #台北美食推薦 #台北旅行 #台北旅遊 #台北自由行 #台灣美食 #台北美食之旅 #九份美食 #台北親子遊 #阿柑姨芋圓 #九份老街 黎到九份老街，有六十幾年歷史既阿柑姨芋圓絕對係其中一間必訪既甜品店，鋪頭擁有一個無敵既風景區，可以眺望九份山城既風光，不過諗到行上去都要花啲力氣，一直向上行先去到🙈 哩度主要得剉冰同熱飲，兩者都係離不開芋圓同豆類🤣大家可以因應自己喜好去叫凍或者熱既甜品，不過芋圓桂圓湯就冬季限定！ 落單既櫃台旁邊就係佢地既開放式廚房，望住員工們係現場直接削芋頭同地瓜皮，可見佢地既芋圓係真材實料😺而店鋪係全自助模式，落單後自己取餐搵位，食完後就自己清理返😉 由於今次去九份既時候，天氣唔多好，落住大雨，氣溫都有啲凍，所以我地都叫左熱既芋圓綜合湯暖下身，入面有紅豆、綠豆同花豆，而當我以為芋圓只得芋頭同地瓜時，比我意外發現仲有綠豆圓，不過綠豆數量比較稀有，成碗好似只得1-2粒🤣綜合湯底同平時既蕃薯糖水既湯底有啲似，但甜而不膩，甚至有啲潤😋芋圓口感有啲煙韌但唔痴牙，仲帶點結實，可以食到鮮明既地瓜、芋頭同綠豆既本尊，連埋糖水一齊食，令芋圓保持濕潤，唔會變硬😍 雖然店鋪無特別既裝修，環境都無特別乾淨企理，但就係有種懷舊既感覺，即使天氣唔好，坐係窗邊望住出面既海景享受一碗芋圓湯或冰，依然可以令心情方鬆😉 📍阿柑姨芋圓 22448台灣新北市瑞芳區豎崎路5號