住進動物園的日與夜🌞🌛

南通森迪部落酒店 #trip #親子好去處 #南通 #南通森迪部落 本來唔熟南通呢個地方好少去，咁啱媽媽出差可以抽一兩日時間去玩，咁今日同大家介紹吓呢一個森迪部落酒店，佢嘅酒店係位於南通野生動物園裡面，冇錯👍🏻係喺動物園園區裡面，有冇試過同啲野生動物生活喺一齊呢？😙當你預訂咗呢間酒店就有機會體驗到🥰 酒店資訊： 南通森迪部落樹屋 地址：南通 崇川區 通劉路 299號 房型：萌寵森迪樹屋（包早餐，兩大一小動物園門票+冰雪樂園門票+小童高級定製旅拍） 以下為我個人感受： 1.房間位置 由於我地Day 1太晏去到Check In，所以被分配到較後的房間，其實真係有啲太後，喺成個森林尾二嗰間，但係住咗一晚好似都唔係好覺前邊嘅房有人住，所以大家check-in嘅時候可以request一下近大門口出入的房間。 2.三點Check-in 起初我哋以為三點check-in，於是差唔多13:00左右到達，結果13:00 去到已經有好多人排緊隊check-in，後尾問返前台先知道原來我哋嘅酒店喺園區入面，其實兩日都可以入到野生動物園園區內，所以有好多人會朝頭早喺酒店前台寄存咗行李先，然後輕便裝 去野生動物園玩，至於行李酒店會直接幫我哋送到 每間唔同房型樹屋嘅服務，到時上房去樓下酒店前台就可以攞返自己嘅行李。 3.要有心理準備 當你住咗喺森林嘅房間嘅時候，要有心理準備，房間一定好多蚊蟲，所以最好都唔好長開房門，如果唔係啲蚊蟲會飛晒入間房内，最好快開快閂。 必看的表演：國際大馬戲🤡 -有各種唔同種類國家風味嘅表演，亦有魔術，睇到你心驚膽顫👻 -VIP區 一開頭以為要最高級嘅房型先會有，原來係現場掃碼 俾¥50/一位，就可以有VIP區 必要的消費： 遊覽車手帶=¥30/人 全日任坐 園區裏好大，每個地方相差嘅路程都好遠，如果坐遊覽車嘅話就可以循環線咁好方便去每一個站，途中遊覽車嘅車長亦都好好人，願意介紹每一個站有咩動物睇，差唔多有表演又會提醒啲客人喺嗰個站落車去睇表演，簡直係一個小導遊！💗 建議但不是必需的消費： 代步車= 2座¥60/一小時 4座¥120/一小時 押金¥800 園區有分步行區同車行區嘅部份，有一啲比較罕見嘅動物，例如 獅子 老虎 鴕鳥 呢幾種大型動物，都要在車行區先有機會見到，動物園設有小火車帶遊客觀光，但係小火車停留嘅時間唔耐，亦都冇得落車近距離影動物或者餵食，所以可租代步車，可以自己揸車，亦都可以決定邊個景點停低，落車影相 同餵食📸