《打卡＋掃街＋掃貨！名古屋行程表一次睇晒》

Day 1：地道文化 x 夜景 • 上午｜名古屋城：打卡＋了解日本戰國歷史 • 下午｜名古屋電梯塔（中部電力 MIRAI TOWER）：上塔睇景＋chill下 • 晚上｜綠洲21：拍靚相＋附近食晚飯 Day 2：行街 x 掃街 x 手信 • 上午｜大須步行街：掃文青小店＋動漫周邊 • 下午｜繼續大須周圍行＋食地道小食 • 晚上｜榮商圈放題 or 壽司店選一間放肆食 Day 3：美食巡禮 x shopping • 上午｜名駅（名古屋站）附近購物 • 下午｜high tea＠HARBS＋買手信 • 晚上｜準備返港 or 去機場前食埋最後一餐 【必玩景點】 1. 名古屋城 名古屋代表地標，金色鯱魚係打卡重點，行入去會有介紹德川家康嘅歷史背景。 2. 名古屋電梯塔（中部電力MIRAI TOWER） 有啲似東京鐵塔既迷你版，上到觀景台睇晒成個市中心，夜晚超靚！ 3. 綠洲21 Futuristic玻璃平台＋水池設計，影相好夢幻，隔籬就係電梯塔，兩個景一齊打卡。 4. 大須步行街 超有趣街區，有少少似秋葉原＋香港女人街＋波鞋街咁，食買玩一應俱全。 【必食名古屋美食】 1. 矢場丼（榮 CentRise 店） 名古屋地道味噌豬扒丼，濃味＋份量十足，午餐時段可能要等位。 2. 炭焼うな富士（名駅店） 鰻魚控一定唔可以錯過！炭香超濃，入口即化，建議早啲去排隊。 3. 美登利壽司（名古屋店） 東京過江龍，壽司超高CP值，$200蚊有交易～質素唔輸高級壽司店！ 4. 風來坊（名駅5丁目店） 雞翼名店，鹹香酥脆，送啤酒一流～同朋友黎嘆個宵夜就啱晒。 5. 麵家獅子丸 拉麵店入面最推薦白湯拉麵，湯底濃郁但唔膩，走一個文青風設計style。 6. HARBS（榮本店） 每款蛋糕都超大件，招牌水果千層蛋糕一試難忘，啱晒打卡＋high tea。 【打卡位推薦】 1. 綠洲21玻璃天台 夠晒未來感，尤其夜晚有燈＋水影效果，分分鐘一秒變IG女神。 2. 名古屋電梯塔觀景台 天空高角度影成個城市，加埋燈光氣氛超好。 3. 大須街頭塗鴉＋懷舊店舖 有啲昭和味道，又有動漫牆、卡通玩具鋪，好多位都好適合影特寫。 【貼士】 • 地鐵可以買1日券/2日券，慳返唔少交通費。 • 有啲餐廳唔收Walk-in，建議用 食べログ / LINE 預約。 • 商場／便利店會收信用卡，但掃街舖就要帶多啲現金。 • 如果搭廉航返港，機場晚餐選擇唔多，可以喺市內食飽先出發。