《旺角必食米線新寵》

米線食得多，但用銅鍋上的真係少見。 呢間同事極力推介，真係一試返唔到轉頭！ 晚市人頭湧湧要等位， 第一次嚟，當然要點晒佢啲招牌小食。 香煎墨魚餅 真係食到粒粒墨魚肉，好爽口彈牙！！！ 炸脆脆蝦膠豆卜 新鮮熱辣，脆到不能形容，真係必食！ 每粒好似乒乓球咁大，咬開入面滿滿的蝦膠， 同墨魚餅一樣爽口彈牙，必食必食必食，重要事講三次！ 牛肉紫菜蠔仔肉碎飯配炸豬扒 每粒蠔仔都好飽滿，新鮮肥美。牛肉一大塊，量也不少。 仲有滿滿的紫菜，真係超足料的一碗肉碎飯！豬扒大大塊，肉質滑嫩，又係好好食！ 招牌春城銅鍋米線 米線的湯底一定要飲，一啲都唔肥膩！ 有點貪心，選了豬大腸、豬膶、螺旋藻和肉眼筋， 上枱係大大兜，全個兜都滿晒，份量超足。 豬潤點解可以咁爽口？一啲沙都冇？肉眼筋爽口之餘亦啖啖肉，仲有肥美的豬大腸，滿滿的螺旋藻和配料酸菜、木耳絲、腐皮、芽菜等，成鍋真係好出色！個人覺得冇乜挑剔，我選的BB辣，又啱晒我胃口！但係下次一定會係扣底，因為份量真係好多，米線食唔晒🥲好耐未食過咁出色的一碗米線，呢間真係可以一星期食幾次！ 呢間米線小店每樣出品都好出色，價錢親民，連杯凍檸賓都好好飲，食完真係好驚艷，仲即刻推介咗俾幾位朋友！！真係一定要嚟食！要嚟食！要嚟食！ 春城銅鍋米線 (旺角) 旺角砵蘭街175號地舖 #油麻地美食#旺角美食#dinner#米線控#hk#好吃 #旺角美食 #香港美食 #香港探店 #美食指南 #美食日記 #美食之旅 #旺角餐廳 #旺角必食