澳門沉浸式光影展😎

#澳門景點 #澳門景點推介 #澳門好去處 #澳門旅遊 #澳門自由行 #澳門親子好去處 #澳門熱門景點 #全球旅行 #澳門teamlab超自然空間 teamLab既發源地雖然係日本，但其實佢係世界各地辦過唔少展覽，小妹都曾經都去過香港K11果個，不過略嫌地方比較細🙈 得知佢地進駐左澳門威尼斯人，所以今次快閃澳門都專誠去朝聖下😉澳門既teamLab佔地五千平方米，有30個身體沉浸式既光影藝術作品；以花為主既展區佔地較多，仲有海洋生物、彩色既漂浮波波、模仿雲霧既特別展館等。 果然場地既大細好直接影響睇展覽既觀感，場地大，即使場內多人，就算想打卡影相都唔會輕易被影響，唔覺唔覺就會係入面玩左大半日🤣但唯一美中不足既位可能係海洋生物果個展區，太多小朋友係度追逐，其實都真係幾騷擾，而且果度既地面唔平，佢地係度跑黎跑去，真係有啲危險🙈 而無相之雲亦係一個幾有趣既展館，入去前要着上雨褸、鞋套同眼罩，因為入面會不定時噴啲泡泡出黎，遠睇其實都幾有仙境既感覺，不過想打卡就可能會有啲困難😎 溫馨提示，場外有個locker區，大家入去前可以寄存左啲袋或唔用既物品入locker先，咁參觀既時候自然可以輕鬆啲啦😉 整體而言，哩個光影展令我有種置身係一個科幻空間既感覺，望住唔同既花不停轉換，真係令人心情放鬆，不過如果有小朋友同行，真係要好好遵守秩序，唔好影響其他參觀人士呀😺 📍澳門teamLab超自然空間 澳門氹仔望德聖母灣大馬路澳門威尼斯人金光會展