極力推薦Luzern呢間餐廳

近日去過呢間座落喺瑞士 Luzern 湖邊嘅餐廳好靚、出品都唔錯、份量超值、服務都非常好. 以前聽朋友講喺其他餐廳食過，一人份芝士火鍋係好細份嘅，芝士、麵包食到要求添加，仲唔可以叫一份芝士火鍋2、3個人分嚟食，其他人要食就要按人頭叫咁多份. 但呢間嘅靚仔樓面佢話幾個人都可以食，仲俾咗一大籮麵包同薯仔我哋添，啲春天薯仔連皮都食得㗎. 實在太多喇，份量又夠大，最後三個人都食唔晒，一樽大礦泉水加埋一杯咖啡先160 Fr., 值得一去㗎. 我哋係從後街呢個門入去嘅，食完轉個彎行出去就係湖邊喇，擺滿檯一位難求，啲伺應行到急急腳. 相反室内祗有我哋一張檯，個伺應得閒成日過嚟招呼我哋、問好唔好食呀？ 甚至連個地下室嘅環境佈置同埋洗手間都好有特色㗎. 🏖️環境／設施：湖邊、無得彈 📍地址：瑞士 Luzern 💰人均消費：約50Fr. 💞推薦原因：景靚、服務好、出品唔錯、份量大、 餐廳佈置、 特色一流、同行比較價錢 算好平㗎喇. 🗓️行程安排:一日遊足夠