貴州｜六日五夜小眾路線休閒遊

幾個地方之間有公共交通，但做咗攻略再加上實地揸車之後，個人覺得公共交通都唔係好方便，建議揸車。 Day 1️⃣:🚗貴陽—凱里（車程約2.5小時），住凱里（全季酒店幾好，淡季只要二百幾） 🥣貴陽食飯推薦：一烙鍋（食過，唔錯）、小舒冰漿（真係好好食，糯米冇完全打碎，帶住糯糯嘅顆粒感，比凱里嘅鍾大嬢冰漿好食）貴廚（冇食，但攻略都推薦） 🥣凱里食飯推薦：任何酸湯火鍋，凱里係酸湯故鄉，買咗「玉夢」嘅酸湯帶返嚟，試過都幾好 Day2️⃣：🚗凱里—朗德苗寨（車程約34分鐘）—白岩村（28分鐘），住白岩村（推薦牧雲澗，乾淨，仲有超大窗可以影相），有時會搜到兩個白岩村，要注意係雷山縣嘅白岩村 朗德苗寨嘅表演真係好正，每日上午十一點開始，先係攔門酒然後係特色節目，非常值得體驗。 🥣白岩村食飯推薦：牧雲澗老闆手勢幾好，好食、鍾意食、推薦，朗德苗寨就景區裏面隨便搵，感覺差唔多 Day3️⃣：白岩村，食住同上 day4:白岩村—堯古村（車程約3小時），住堯古村（推薦流螢民宿，老闆超級大e人） 🥣堯古村食飯推薦：董歹農家飯莊（好食！平！兩個人食飽飲醉唔使60）流螢民宿（老闆煮嘢超好食） Day5️⃣堯古村，食住同上 Day6️⃣：🚗堯古村—貴陽（車程約3.5小時） 註：堯古村離茂蘭景區就好近，揸車大概30分鐘，我原本計劃就係第六日去茂蘭行漏斗森林嗰條徒步線，但因為落雨冇去到，所以第六日可以去茂蘭徒步，喺茂蘭景區住一晚，第二日返貴陽，就係一個張弛有度嘅完美路線。