西式Cafe嘆午餐，緊有一款你喺啱

餐廳：Plato Cafe & Bistro (觀塘) 地址：觀塘協和街33號裕民坊YM² 3樓309號舖 相信去開油尖旺區食飯嘅人都會識得Plato Cafe & Bistro呢間Cafe，自從位於彌敦道嘅油麻地樓上分店執咗之後，佐敦吳松街店就好似成為咗唯一咁，不過開心嘅喺半年前Plato喺觀塘裕民坊3樓露天平台開咗新店，最近仲喺新蒲崗Mikiki開咗第3分店添🎊 平日午市非最繁忙時間嚟到Cafe都坐滿7-8成客人，想過嚟食嘢真喺要預早少少時間拎位。觀塘分店有室內同室外座位，室內多數以卡位為主，空間感都幾大👍，近門口牆壁上嘅一句「I Can Do All Things Through HIM Who Strengthens Me」，唔知你又有無任何共鳴感呢😎？ 一如既往，佢哋嘅午市套餐確實喺比較吸引🤩，最平嘅沙律只需$68，最貴嘅澳洲肉眼牛扒都喺$148🥩，仲包埋餐湯/田園沙律🥗，同$32飲品一杯，好似我咁叫咗杯$46嘅Latte就要補$14喇☕️。另外仲有多款小食同甜品可以追加，我同朋友就額外加$28叫咗個自家製嘅日式芝士餅🍰，細細件正常發揮，質感綿滑輕微厚實，仲加咗啲穀物片做伴碟裝飾，睇落就更加吸引🤓 ✝️西班牙黑毛豬鞍配蘋果蓉 $128 呢個去咗骨嘅西班牙黑毛豬鞍幾有厚度🐷，有接近4-5cm，最令人欣賞嘅喺無論肉質咁厚，用刀切或者用口咬都品嘗到豬鞍嘅軟腍同多汁💦，加上底面兩層微脆焦香嘅燒烤滋味，配埋清甜蘋果蓉就更有去膩嘅作用，連埋白飯一齊食就一定夠飽啦😌 ✝️香草燒春雞 $98 色香味俱全嘅燒春雞半隻，未食已經聞到惹味嘅燒烤香🔥，不過食落就好似加多咗少少調味有啲鹹🤏，勝在火候控制得幾好，令雞隻食落肉質鮮嫩無比，連埋意粉一齊食就會好啲可以中和返啲鹹味🍝 #100種旅行方式