觀塘區都有精緻西餐🍴

觀塘區有間精緻西餐廳，嗰日夜晚我哋揀咗$598嘅晚餐套餐。 首先，有三款唔同口味嘅新鮮麵包，可以喺開餐之前先食下呢啲熱騰騰嘅麵包，好好味😋 然後係前菜，有巴馬臣芝士薯撻，薯撻底加上香濃嘅巴馬臣芝士。之後仲有薄切章魚配鱘魚子醬，有鮮嫩嘅章魚同鱘魚子醬，味道好夾。另一前菜加$30揀了鴨肝法式焦糖燉蛋，焦糖燉蛋甜甜地入面有鴨肝☺️ 湯方面，套餐有紅菜頭甘筍湯同龍蝦湯配西班牙紅蝦他他。紅菜頭甘筍湯係用紅菜頭同甘筍熬煮而成，味道濃郁。龍蝦湯加埋西班牙紅蝦他他+$90，紅蝦他他好鮮味。 然後到意粉，套餐包括蕃茄忌廉海鮮手工意粉同黑松露手工意粉。兩款意粉都好味。 主菜有法國巴巴拉鴨胸同西班牙伊比利亞黑毛豬+$30。法國巴巴拉鴨胸肉肥美多汁，食落嘅口感一流。而西班牙伊比利亞黑毛豬肉質夠腍身 最後係甜品：荔枝玫瑰嘉絲蛋糕，清新香甜，賣相仲幾靚。 📍Parallel 觀塘觀塘道414號1亞太中心3樓302號舖 #觀塘 #觀塘美食 #西餐 #finedining #instafood #dinnerset #香港美食 #hkfoodblogger #hkfoodieblogger #foodpics #hkfoodlover #852 #hkeats