【招牌必點 和牛漢堡蘭王蛋丼飯】

觀塘工廈又有好嘢食！呢間和牛漢堡扒專門店，選用手打和牛同蘭王蛋，蛋控表示用蘭王蛋撈飯無得輸！除咗招牌丼飯，仲有幾款日式小食，留意返漢堡丼飯每日限量供應，想食嘅話就要早啲去啦～ 🐂手打芝士安格斯漢堡蘭王蛋飯 ($118) 粒蘭王蛋擺喺最頂，層層疊嘅賣相好吸引🤩 漢堡扒外層微微焦香、牛味濃郁；內裏肉質扎實有咬口，充滿油脂香，切開漢堡扒有流心芝士好邪惡😍 客人可自選配菜同醬汁，揀咗秘製漢堡汁配芥辣酸瓜，漢堡汁帶柚子酸甜味，搭配酸瓜酸酸甜甜好開胃；酸瓜上面有層蘿蔔蓉，可以一解油膩；最上面粒橙紅色蘭王蛋，篤穿之後蛋汁慢慢流出嚟好治癒～層次感豐富，送飯一流好滋味！ 🐂招牌手打和牛漢堡蘭王蛋飯 ($128) 呢款使用澳洲和牛，同安格斯漢堡感覺唔同，口感比較軟熟，和牛味更濃郁😆 而呢款丼飯，揀咗白味噌汁配日式泡菜～白味噌汁味道溫和，唔會太鹹，滑溜得嚟又有creamy感覺，唔鍾意太濃味嘅推薦揀呢款🥰至於泡菜唔會太辣，反而酸味較突出，同漢堡扒又幾夾好特別～個人鍾意鹹味多過酸甜，所以私心都推白味噌汁，同樣有粒蛋味香濃嘅蘭王蛋，撈埋食perfect！ 🦪吉列蠔 (+$18/2) 吉列蠔外層炸得香脆，雖然蠔肉唔係好大粒，但係完全冇腥味，值得一試～ 🍵蜂蜜綠茶 (+$5) 綠茶帶少許蜂蜜甜味，唔會太甜～ 🍑白桃烏龍 (+$15) 用上日系茶具，和風感十足🫖 烏龍茶散發淡淡白桃香氣，清新解膩，飲晒仲可以refill熱水👍🏻 總結：賣相吸睛，份量超大份，食完大滿足 🍽牛霸王 📍觀塘成業街19-21號成業工業大廈1樓26號舖 @wagyu_donburi #fon觀塘 #fon日式 #觀塘 #觀塘美食 #日式美食 #日式 #牛霸王 #kwuntong #kwuntongfood #donburi #beef #hamburger #foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom