過一條天橋就食到嘅美食

一過完關就直接食咗一餐美食，方便成咁真係好正，福田口岸一出，行條天橋就會見到一條30米嘅金龍，就係佢啦😍😍一過完關就乘龍而上👍🏻 呢間鼎聖茶樓有齊大家最鍾意食嘅粵菜，有點心，又可以點餸，仲有好多嘢飲，種類真係好多，價錢又合理，環境又勁好，冇理由唔去啊。 我哋下晝去嘅，梗係要食啲點心先啦，佢有傳統嘅點心，例如蝦餃、燒賣。。。又有好多創意點心，例如啤梨鹹水角、蟹籽麻辣燒賣。。。首推梗係蝦餃啦，蝦非常彈牙，記得趁熱食。港人最愛嘅紅米腸都好好味，仲有，佢嘅菠蘿包入邊真係有菠蘿😆 除咗點心，我覺得佢嘅粵菜水準更高，尤其係呢份白切雞，雞肉非常嫩滑，佢全部燒味都係當日新鮮烹飪👍🏻另外我見仲有各款啫啫煲、老火靚湯，下次去一定要試埋先😊 餐廳仲有包房提供，環境真係好舒服，無論一、兩個人定一大堆人北上，都好適合呀👍🏻 #深圳美食 #週末遊 #點心 #福田口岸