隱世高質生蠔刺生店

蠔灣 (水星街) 天后水星街28號耀星華庭地下1號舖 今晚好難得約到我出去港島區食飯，所以朋友話一於要食好d，帶左我去天后水星街嘅蠔灣到食飯。 蠔灣出名主打生蠔海鮮😍😍岩晒我依類又要食又唔想肥嘅人，大量優質蛋白質，今次我地叫左10隻生蠔、北海道帶子、法國藍蝦、北海道活赤貝、清酒蒜蓉煮活蜆湯、龍蝦忌廉意粉 1.生蠔、北海道帶子、法國藍蝦、北海道活赤貝 由於我地想樣樣試下，所以係散叫，職員好耐心講解每一隻蠔嘅特別地方，由於花多眼亂，最後職員推介左Tia Maraa Pearl、Speciales Lambert、Krystale、La Perle Noire同Gillardeau，上枱時，已依晒次序，又淡至濃味擺放😍生蠔每隻都係即開，非常新鮮，而且啖啖肉，我最鍾意係Gillardeau，味道夠濃之外，佢仲要好大隻，同我朋友塊面差唔多大😂 北海道帶子，夠晒肥美肉厚，非常鮮甜😋 北海道活赤貝，切埋花，食落鮮甜爽口，唔駛點醬汁都已經好好味，好唔捨得吞😋 法國藍蝦實肉彈牙，好鮮味，而且仲有膏，正呀😋😋 2.清酒蒜蓉煮活蜆湯 依個冇得頂，蜆肉夠晒大唔在講，湯十分出色，蜆嘅鮮甜落晒湯到，每啖湯都十分鮮甜味美，連我唔食蒜嘅朋友都食唔停口，而且蜆肉食落仲係好嫰滑冇煮到老，飲完真係好滿足🥰🥰🥰🥰 3.龍蝦忌廉意粉 忌廉汁煮得夠晒creamy，食落又唔漏，意粉又煮得岩岩好冇過火，而且龍蝦味濃肉厚，大啖肉落口，就係色香味俱全，食到停唔到口😋😋😋 整體黎講食物質素非常高，海鮮又新鮮即開，依間餐廳一定要返轉頭再食多次先得😋😋😋😋 #天后美食#香港美食#西式#海鮮#生蠔#刺生#蠔灣#蛋白質