免費upgrade半海景房 但泳池安排超失望😮‍💨

尖沙咀嘉福海景洲際酒店🌊 今次同朋友去左呢間嘉福海景洲際酒店staycation 預祝朋友生日🎂 我哋係klook book左包3餐既package 價錢係$1958 Package 詳情: klook獨家 - Moet & Chandon 香檳住宿優惠，尊尚城市/ 海景客房 ＋ 自助早餐+Moet & Chandon主題外帶下午茶 ＋雙人三道菜金箔晚餐＋30小時入住 不過海景客房同30小時入住就要平日入住先有 所以我哋正常黎講都係得園景房 不過因為慶生既關係 酒店都好好幫我哋免費upgrade左半海景房 如果訓係床望出去其實會係全海景架😗 上集會先講房間、酒店設施同職員服務態度 下集先會講三餐~ 首先一開始入住既時候正常3點開始check in 我哋特登2:30到 但都係好多人🫠等左應該有廿分鐘先check in到 好彩2個人傾下計先覺得時間唔會過得好慢 樓層唔係好高住5樓 上到房之後覺得間房都好乾淨 設備都好齊全 不過住得低所以都近天橋會見到啲人行黎行去 房間都算大 一入門口右邊係廁所 左邊係衣櫃 minibar 再行入去右邊就係大床 左邊會有擺gip既櫃仔 上面有電視 不過電視尺寸就真係有啲細 之後有張大枱 同辦工櫈 再過啲就係望海個窗~ 隔離仲有兩張櫈同茶几 空間都幾闊落 其實都好少見房可以擺到咁多櫈😹所以都真係算大 廁所用左雲石設計 浴室係企缸 有齊洗頭水 護髮素 同 沖涼液🧴印象中都幾香~ 廁所設備都齊 唯獨係包裝果度覺得有啲hea😹 不過整體都好ok 唔影響使用 至於酒店設施我哋都有去游水 佢既泳池係係天台既~係露天 但係就唔係infinity pool 係池入面係唔會望到出面既景色 同埋泳池其實都唔係好大 同加上佢唔係不規則既形狀 27個人真係會有啲逼 而且泳池既安排都好令人失望 平時check in職員都會問有冇游水既打算 再幫我哋book埋 但今次呢間無 而我哋主動問之後佢就講話係無得book既係walk in 每日分左6個時段 每個時段27個人 咁因為我哋要食下午茶所以就打算去4:45個時段 我哋4:30上到去但發現已經full左 問左職員可唔可以等人離開再補佢就表示人哋早左成9個字黎等點會唔快走 就唔建議我哋等 於是我哋就離開左 個人覺得咁樣既安排非常之唔合理🤷🏻‍♀️ 既然員工都知多人去泳池點解唔整預約制呢？ 要客人白白浪費時間去排泳池 而且如果check in果陣知道book唔到就唔會出現換好曬衫出到先發現空歡喜一場既情況發生 呢個安排真係令人好失望 為咗要去到泳池 我哋第二日就9點半去到諗住排10點3既時段 但去到都已經排到第16同17個 其實都真係好多人去 但好彩我地都係志在浸下水 所以雖然上一個時段係10點完 但有人走左之後職員都比我地9點50分入去玩10分鐘 最後就係職員既態度 覺得整體黎講職員既態度都好一般 Check in果陣既職員無主動提及泳池安排 泳池既職員無好好既態度 夜晚餐廳既職員態度都好麻麻 唯獨係早餐職員態度好好 好用心幫我解決問題 Check out既時候問職員拎支水仲要質疑我係咪呢度既住客但明明我前一秒先比房卡佢 擾攘左一陣先肯拎住水比我 總結黎講 2000蚊有找尖沙咀地段 海景房 仲包3餐的確係好抵好吸引 但佢既服務質素都真係就係咁既價錢比到既服務 唔好expect 會有多😹會有賓至如歸既感覺 相信平日黎有海景房同住足30個鐘會再抵啲 但無論佢之後出多幾多個唔同主題都唔係好吸引到我再去 完全唔覺得係5星級😹 地址: 香港九龍尖沙咀東部麽地道 70 號 評分🫣 體驗良好度: 🌕🌕🌕🌑🌑 環境: 🌕🌕🌕🌑🌑 性價比:🌕🌕🌕🌕🌑 服務: 🌕🌕🌗🌑🌑 回度率:🌕🌑🌑🌑🌑 #香港staycation酒店交流谷 #hyperair #性價比酒店 #香港酒店 #五星級酒店