香港探店 安平燒肉 📍荃灣

鍾意食燒肉放題嘅一定聽過安平燒肉，最近安平推出全新、超正嘅日本和牛餐牌，為燒肉迷帶嚟全新體驗。肉類、海鮮都非常高質，CP值滿滿～ 裝修走簡約風，木系配色，空間濶落，燒爐火力平均，唔會周圍煙。坐得舒服，啱晒慢慢燒、慢慢食。 我哋叫咗【Lv4 日本A4+和牛饕宴】，食足120分鐘，燒肉迷肯定滿足～ 去咗醬料區見到超多款醬汁可供配搭，感受到餐廳非常重視食客嘅用餐體驗。我揀咗【招牌黃金醬】清新蔬菜甜味、【薑味可樂醬】甜味中帶少少辛辣、【五味醬】就酸酸甜甜夠開胃。 坐低一陣，店員就送上熱茶⋯⋯原來入面係雞湯嚟😁。【安平慢熬清雞湯】用個壺裝住，香濃雞味，熱辣辣夠晒暖胃。 【日本A4+和牛】 油脂分佈靚，落爐一陣已經滲出香味，入口即溶，咬落冇筋，唔洗蘸醬已經好夠味。 【日本A4+和牛壽喜燒】 肉片放落滾起嘅壽喜湯底一燙即熟，口感又滑又香。 【極．厚切檸檬牛舌】 牛舌原條上，夠厚有口感。檸檬汁令味道清爽。配有沙漏計時，儀式感爆燈～ 【日本A4+醬燒一口和牛丁】切到細細粒易入口，用咗特製醬汁，又嫩又美味 。 【炭烤白鱔】 皮脆肉嫩，鱔肉極新鮮，肉厚彈牙。 【灸烤霸王蝦（鹽蔥／黑蒜油）】 蝦肉厚身彈牙，兩款都值得一試：鹽蔥嗰款偏清新，黑蒜油嗰款濃香帶微辣，各有特色。 【西班牙栗飼豬五花】 肥瘦分明，燒到微焦時食落有油香唔膩口。 【黃油蒜烤帆立貝】 帆立貝厚身、唔過熟，黃油提鮮唔搶味。 【香濃奶油金菇】 簡單但好味，牛油香撲鼻，配肉食一流。 【柚子鮑魚酢】 酸酸甜甜開胃，鮑魚爽口。 食燒肉最啱就係飲酒，Lv3/4餐都有「喝到爽」，兩款啤酒、安平特調雞尾酒任飲。推介【橘綠研露】雞尾酒，酸酸甜甜，清一清味蕾，幾解膩。 朋友最後仲自製咗個安平櫻花蝦飯添！安平辣椒醬、櫻花蝦、香蔥、海苔同埋秘製滷水汁，見佢超滿足！ 食完熱辣辣嘅燒肉，梗係要食啲凍冰冰嘅甜品。Häagen-Dazs雪條任食，食返兩三條都回到一部份本🤣～ 安平燒肉 📍荃灣眾安街55號大鴻輝(荃灣)中心17樓 #foodiehk