叢林動物餐廳

今晚等老公收工帶佢食下好西先，係油麻地附近搵到間cafe食西餐。我上網 見佢啲裝修格局幾文青，同埋都幾有獨特既風格，好想去打卡，所以帶左老公過黎食。 我叫左個黑松露野菌意粉🩷🩷🩷🩷🩷 呢間啲意粉都唔會煮得太淋身，有啲咬口，因為好驚啲意粉煮得太過火好淋得滯，同埋黑松露醬掛完曬係意粉裡面好惹味，啲菇都炒得好香又多汁。 仲叫左個慢落豬(黑毛豬串燒)配甜薯🩷🩷🩷🩷🩷食落有少少似中式咕嚕肉，好過癮，有啲酸甜醬味，同埋肉汁好多，慢煮過真係唔同啲。仲配搭咗啲黑醋沙律菜好開胃，仲有甜薯條份量都好足料。 我再叫咗個小食，美式甜辣香脆雞翼(4隻)🩷🩷🩷🩷🩷甜甜辣辣既醬配搭埋炸到香脆卜卜既雞翼咬落都好多汁，而且都有啲黑醋沙律菜一齊食，唔會好漏。呢度啲環境都好舒服，打造到好似一間叢林動物餐廳，放工去放鬆下真係唔錯。