尖沙咀人氣浜燒餐廳，有專人幫忙燒埋

#報名5月酒店試睡員2025 📍南瀛水產 🔎尖沙咀金馬倫道5號太興廣場5樓 ----- 最近忙到頭昏腦脹，收工只想放鬆下，對自己好啲。揀咗尖沙咀呢間浜燒餐廳，餐廳裝修採用木系日式風格，加上暖橙色燈光，感覺幾舒服，環境幾relax。 #南瀛卷 吞拿魚茸、飛魚子、海膽、蟹肉同甜蝦一層層鋪喺米飯上面，睇落已經好吸引。入口鮮味十足，特別係海膽嗰陣濃郁嘅甜味，口感滑溜。米飯嘅份量唔多，飯醋味唔會搶走咗海鮮嘅風頭，調味幾平衡，滿足。 #蟹味噌甲羅燒 蟹味噌甲羅燒嘅蟹膏濃郁順滑，仲有啲蟹籽提升口感，黎親都必點。 #活貝盛合 活貝拼盤有帆立貝、鮑魚、生蠔同沙白，全部都好新鮮。帆立貝燒過之後仲有啲汁流出嚟，鮮甜得嚟唔會過鹹；鮑魚則彈牙有口感；生蠔就飽滿大隻，入口滑溜。重點係全部都有人幫我哋燒。 #野菜天婦羅 外皮酥脆，唔會好油膩。蔬菜帶自然甜味，而且款式好多，有粟米芯、茄子、香菇、青椒、秋葵等等，而且食得出係日本蔬菜，用料高質，好適合配搭冷烏冬食。 #柳川滑蛋鰻魚 滑蛋嫩滑，鰻魚肉質厚實，食落口感幾好，唯一係醬汁份量過多，偏甜一些。 冷烏冬 烏冬條彈牙，淋上冰涼嘅醬汁，加少少青蔥同紫菜，簡單中帶啲層次，幾解膩。