香港探店 銀座炎蔵燒肉 📍荔枝角

好耐無食過日式烤肉啦，今晚放工就去咗D2 Place嘅【銀座炎蔵燒肉】。餐廳採用和風裝潢，座位寬敞，乾淨整潔。 【和牛6點拼盤】全部都係和牛稀有部位，脂肪比例、肉味、口感各有千秋。我就最鍾意和牛羽下，口感軟嫩油脂超豐富，食落幸福感滿滿。和牛內腿肉就脂肪較少但肉味濃郁。 【夢之大地豚三味】來自北海道嘅夢之大地豚肉，脂肪分佈均勻肉色粉嫩。口感嫩滑兼油脂帶少少甘甜，食得出同一般豚肉有明顯分別，非常高質。 【日本産鶏肉三味】日本產嘅雞肉，當中雞頸柳係稀有部位，肉質有彈性同juicy。其餘雞腿肉、雞胸肉都肉味香濃。 【海鮮三味】蝦、帆立貝、魷魚三款海鮮，最鍾意係魷魚，水潤軟滑。平時餐廳少啲有，今次仲要原隻上，大大件好滿足。 整體嚟講非常高質，啱晒我呢啲咀刁人仕。 銀座炎蔵燒肉 (荔枝角) 荔枝角長義街9號D2 Place ONE 3樓302號舖 #foodiehk