中環平民星馬美食～

中環街市呢間Pulau，食星馬菜嘅，有9款主食，主打掺掺麵。 呢度冇特定嘅座位，只要喺範圍內都可以坐低。 呢排天氣涼涼哋坐出邊應該幾舒服。 每個主食可以加$32通菜及加$10罐汽水。 《新加坡大蝦喇沙掺掺 $78》 有豆腐卜、開邊蝦、豬腩肉片同埋半隻蛋～ 香味濃郁，微微嘅辣，最特色係摻摻有油麵同米粉，雙重口感又掛湯。 《新加坡白胡椒肉骨茶（豬排骨，豬肚） 配 雞油香飯及油條 $82》 湯好重胡椒味，又唔會辣喉，油條可以浸湯又或者蘸黑醬油都好味；油飯有淡淡油香，唔會好乾，撈啲蝦醬油都好食。 《串燒拼盤（雞肉.大蝦.魷魚鬚） $78》 有沙嗲醬好惹味，魷魚鬚有啲韌，蝦同雞肉都入味。 呢晚海南雞掺掺同通菜都賣晒，所以改咗食蝦麵同沙律。 《 檳城蝦麵 $78 》 呢個麵係湯底味道濃郁，蝦味及椰香味濃，加埋有啲炸蒜片更提香； 呢個麵係「掺掺」，所以有米粉溝油麵；米粉會比較多 更吸收湯底精華。 《 手打樱花蝦餅 $48 》 有4塊，幾有蝦甜，蘸埋甜酸醬更加惹味～ 《 牛油果核桃青蘋果沙律 $68 》 呢個有驚喜。青蘋果絲好爽甜，仲有牛油果同核桃，配上芒果汁好香甜開胃！ +$10/罐雪碧（第二罐 正價$12） 📍Pulau (中環) 中環皇后大道中93號中環街市地下G19號舖