高質韓式外賣店

平時成日見到好多人幫襯元朗千色匯對面嘅呢間生生市場，呢日唔想煮飯，就去咗買外賣齊齊分享！ 蜜糖蒜蓉無骨炸雞 呢度嘅炸雞好有水準，炸漿沾滿甜甜嘅蜜糖蒜蓉醬，入口唔會太厚粉，內裡肉質juicy嫩滑，份量仲非常慷慨，必點！ 韓式海鮮嫩豆腐湯配飯 天氣凍，飲一碗熱騰騰嘅暖豆腐湯特別暖胃。豆腐湯好足料，海鮮有蝦和魷魚、辣辣地之餘，味道都好鮮甜！ 吞拿魚紫菜飯卷 份量一樣好足，每一件飯卷都包得紮實，餡料飽滿，一啖一件，滿足！ 韓式辣炒豬肉拌飯 除咗辣炒豬肉之外，仲有芽菜、煎蛋、泡菜、紫菜、蘿蔔、青瓜絲，顏色豐富。味道穩陣，調味唔錯。