Indian food

呢晚心血來潮想食印度菜，上網搵到呢間Gaylord gaylordhkg裝潢好靚，華麗有特色又有格調😍樓底仲好高，坐得好舒適😚原來已經喺香港開業50多年🇮🇳！ Tasting Menu($448)有10道菜，可以試到多款Gaylord招牌菜式，岩晒鍾意樣樣試嘅我哋😚Wine Pairing 有4杯酒都係+$188，性價比極高，非常推薦🥂 先送上小食自家製薄脆入口香脆，蘸薄荷醬好易食唔停口😃 🥢Amuse Bouche : 🎈Pani Poori 印度著名嘅街頭小食😋炸酥球內加入了薯仔扁豆蓉，倒入清爽的薄荷汁，口感好有層次，毫不油膩😎 🥢Appetizers: 🎈Malabar Crab Taco 軟熟嘅Roti 包住慷慨滿瀉嘅蟹肉，好足料，鮮味十足🦀 🎈Chicken Tikka 烤至表面帶有炭香，雞肉好juicy🐔 🎈Lamb Galouti Kakab 鍾意食羊嘅又係唔可以錯過！五香羊肉餅羊味好濃，印度香料味突出，下面墊住薄薄嘅naan🐏 Main Courses: 🎈Kadai Prawns 🎈Truffle Butter Chicken 🎈Dal Makhani -With garlic naan & saffron Basmati Pulao Rice 三款主菜有齊海鮮、肉及素菜，而且每款嘅醬汁都好明顯唔同，Prawn嗰款係蕃茄base，少少辣，大蝦爽口彈牙，份量好足🦐Truffle Butter Chicken好creamy，黑松露味非常濃郁☺️Dal Makhani主要係紅腰豆同扁豆，呢款配Garlic Naan好夾！值得一讚嘅喺呢度嘅Naan真係好軟熟，好食😇 Dessert: 🎈Warm Carrot Cream Pudding 🎈Homemade ice cream 🎈Masala Tea 開頭都擔心蘿蔔布丁會太甜，但完全唔會，不過同想像中嘅質感唔係好似😅雪糕唔錯！最後仲有一杯暖暖嘅奶茶作結🧋 今次仲加咗wine pairing ，包4杯酒，每杯都好大杯，勁慷慨🤩🤩🤩酒都幾高質，完全冇將貨就價！非常值得加點😏 爵樂印度餐廳 (尖沙咀) 尖沙咀北京道12A號太子集團中心5樓