置身外國一樣 人氣英倫酒吧

約咗個外籍朋友食飯，佢帶我嚟咗呢間位於中環蘇豪區嘅The Globe，入去就發現呢到係外籍人士嘅食堂，除咗有地道英國菜，重點之一當然係有各式各樣嘅啤酒、紅白酒、cocktail同埋gin & tonic，啱晒同朋友把酒談歡。 8 Wired Mandarin Mahu $115 （400ml) 嚟自紐西蘭嘅酒廠釀製嘅啤酒，因為加入咗柑橘，味道清爽，非常易入口。 N.I.P Catnip Gin No.2 $160 用嘅係香港本地品牌gin，加入橙皮同杜松子調製，飲落有一種好清香嘅味道，就好似置身喺森林入面咁。 Roast Pumpkin & Feta Salad $110 嘢食方面先叫咗個沙律，有南瓜同菲達芝士，味道清爽得嚟又開胃。 Scotch Egg $120 食英國菜當然唔少得蘇格蘭蛋，炸到香脆嘅外皮，彈牙嘅免治肉類，包住流心雞蛋，一啖咬落去有三重口感。 Red Wine Braised NZ Lamb Shank $235 主菜方面我哋叫咗份紐西蘭羊脾，用紅酒汁炆煮羊脾肉質非常腍嫩，一切就開，而且夠哂入味，食落有淡淡嘅酒香。底嘅薯蓉口感綿密。 Beer Battered Atlantic Haddock $195 炸魚薯條又係另一樣特色英國菜。大大塊嘅鱈魚柳炸到金黃香脆，見到已經流晒口水，入面嘅魚肉好仲係好嫩滑軟熟。薯條嘅調味都做得唔錯。 Banoffee Pie $95 我哋另外仲叫咗個香蕉太妃派開心share。香蕉、忌廉、拖肥焦糖醬，加埋酥脆餅底，每一啖都非常滿足。 。 。 THE GLOBE (中環) 中環蘇豪嘉咸街45-53號地下A號舖 。 。#香港美食分享 #香港好去處 #香港打卡 #香港美食指南 #酒吧 #香港酒吧 #中環 #中環美食 #中環好去處 #中環餐廳 #中環酒吧 #香港餐廳