魅力情懷北歐風，陶醉音樂美食中

餐廳：Lost Stars Livehouse Bar & Eatery (尖沙咀) 地址：尖沙咀河內道18號K11購物藝術館2樓222A號舖 一直致力將音樂藝術者結連嘅Lost Stars Livehouse Bar & Eatery，半年前由大角咀搬到過嚟尖沙咀K11 Art Mall延續佢哋嘅音樂旅程🎼，理念不變，換嚟嘅喺五六年代北歐設計特色，期望用當代傢俬將每一位食客帶返去日常生活當中，令人感覺更加自在、仿如置身喺屋企一樣🏠，而唔少得當然喺逢星期五六日晚嘅Live Music表演🎤 ✝️Ribeye Set Dinner $288 慶祝銅鑼灣姊妹店Mercury Recalls一周年🎊，推出嘅星期一至四晚市套餐，除咗有8安士烤新西蘭肉眼之外，仲有是日餐湯——甘筍忌廉湯，同飲品——紅酒或Mocktail以外嘅無酒精飲品🍹，而今次就揀咗Mount Feather Green Tea🍵。肉眼要咗五成熟🥩，肉同脂肪比例均勻，表面燒到有少少焦香，咬落肉汁豐富、肉質軟嫩，仲有陣陣牛羶香🐮，另外仲有香烤紅蘿蔔同南瓜伴碟🥕 ✝️日本刺身帶子雙色麵 $248 將墨魚麵同意粉撈埋一齊整成雙色麵🍝，加入蘆筍同明太子忌廉汁煮香，面頭放咗蟹籽同香煎珍寶日本刺身帶子，色香味俱全，Creamy得嚟唔會好膩，亦唔會食到成口黑蚊蚊，唔知你又鍾唔鍾意呢個組合呢😆？ ✝️法式熱融蜂蜜芝士$168 芝士控要留意喇‼️喺Cream cheese上面放上Parmasen cheese🧀，加入車厘茄同蜂蜜🍯，再用火槍輕輕炙燒🔥，配埋香脆法式麵包一齊食🥖，絕對喺我今餐最鍾意嘅一道食物🤤，火炙香味、芝士同蜜糖香交織，互相配合得好出色，唯一嘅喺麵包唔夠，食完麵包都仲有好多芝士淨😂 ✝️Moon River $138 全白嘅外表加上奶泡，令人一諗就諗起Cappuccino，先飲到頂層嘅奶泡，再飲到中層帶有可可同雲呢拿香嘅利口酒🍸，再飲到底層帶有蜜糖香嘅Whisky，完全估唔到咁有層次同驚喜🎉