銅鑼灣高質又抵食韓燒特選menu

臨近農曆新年當然要食餐好慰勞吓自己，同朋友嚟咗銅鑼灣呢間韓式燒肉店食靚牛。見餐廳有個Special Menu ($1588)除咗有和牛盛合、仲有牛舌、五花肉、挑骨雞翼、水果醬油雞腿肉、鰻魚幾款肉類海鮮，另外仲有煎餅、石頭鍋飯同炸雞，真係超級豐富。嚟得韓國餐廳當然會有泡菜，呢到嘅種類都唔少，有辣有唔辣，作為開胃小菜就啱晒。 和牛盛合 有兩款壽喜燒和牛，分別係和牛西冷同和牛三筋肉，肉嘅油花好靚，分佈平均，見店員輕輕燒一燒兩邊就食得。西冷非常軟腍，油花好香；三筋肉係稀少部位，肉質腍得嚟結實，肉味香濃；點埋壽喜燒蛋汁一齊食超滿足。 鰻魚 鰻魚勁大塊，店員好用心幫我哋慢慢燒。邊位燒到輕微脆身，鰻魚肉質爽彈鮮甜，一d都唔腥。 另外嘅幾款燒肉，質素都唔錯。牛舌爽口，五花肉腌過好入味，雞翼已經挑咗骨食起嚟就非常方便，仲有水果醬油雞腿肉嫩得嚟好滑。 半半炸雞 炸雞係雙拼口味，有原味同甜辣醬味兩款。炸雞外皮好脆口，入面肉質嫩滑又juicy。個人鍾意甜辣醬口味，甜甜哋帶d辣，好惹味。 海鮮煎餅 煎餅厚薄適中，粉漿唔會太稀或者太實，入面有魷魚同蝦等海鮮。 傳統石頭鍋飯 套餐仲有個石頭鍋飯，如果唔食得辣就可以叫店員落少d辣醬入去撈。個飯有好多配料，重點係個飯焦底，超脆好香口。 。 。 柞木炭家 (銅鑼灣) 銅鑼灣記利佐治街1號金百利廣場3樓301號舖 。 。#新年好去處2025 #香港好去處 #香港美食 #香港打卡 #香港 #銅鑼灣美食 #銅鑼灣餐廳 #銅鑼灣 #韓燒 #燒烤 #燒肉 #燒肉套餐 #香港美食推薦