慶祝節日及好地方💕

因為疫情關係 今年既情人節晚餐都無得堂食🥲 夜晚想搵間酒吧或者有氣氛既餐廳🍴都無 所以酒店慶祝不失為一個好去處🎉 當然平時情侶 或者生日 想搵地方relax下都推薦👍 呢次係第一次入住富豪酒店🏨 感覺好舒服 本身自己鍾意呢種歐式風格既裝修😆💕 首先係房間空間夠大 唔會有壓迫感 有檯有凳 重點係有兩張椅😂我去過好多酒店通常都得一張凳 如果兩個人要一齊食野會好唔方便 果日我地自己買香檳上去🍾️房間有齊香檳杯咖啡杯水杯 雪櫃仲有免費🆓可樂 都有免費既水提供 仲有咖啡機可以使用😆 果日自己帶左MacBook 沖個熱水涼 香檳陪電影🎬💕好放鬆😌 浴室🛀係乾濕分離 有浴缸 可以買埋浴鹽 熱水都好夠熱 沐浴露🧴洗頭水都好大支👍之前去過大多數酒店都係比細細支你 我頭髮又長又多其實唔係好夠 加上好多酒店d洗頭水個人覺得好難起泡 呢間就無呢個問題 沐浴露同洗頭水都好香☺️☺️ 同埋張床都好大好舒服訓得好好👍 第二日訓醒之後 打開窗簾 房間好光猛☀️ 由於係高層31樓個景都唔錯 最後就係價錢好實惠 個人認為cp值好高 我今次好彩 本身係四百幾book左大床房 酒店幫我免費升級房間☺️☺️ 之後有book過行政房套房 都係大概一千 但空間係大好多 普通既都係約莫800多d 依家d賓館我見都要四五百蚊 不如加多少少住得舒服d🥳🥳