香港探店 Galbi Gung 📍大圍

就快過年啦，梗係要約朋友食飯聚聚，我哋揀咗圍方嘅韓國餐廳【木槿】，就喺大圍站上蓋，好方便。 叫咗個二人餐【宫•雅宴】，有齊我哋最想食嘅韓燒、炸雞，啱晒！ 前菜【九節坂】係韓國宮廷料理經典菜餚，色彩繽紛幾有新年氣氛，配菜有紅蘿蔔絲、青瓜絲、黃瓜絲、雞蛋等等。撈麵食酸酸甜甜，幾開胃。一齊撈起～ 【半半炸雞】一次食到兩個味道，皮脆肉嫩又juicy，蘸蜂蜜奶油醬更惹味。 我哋仲叫咗【提子梳打】同【荔枝梳打】，爽呀～ 之後就到燒烤啦，各款牛肉各有特色。【嚴選腹胸肉】肉汁極豐富；【和牛外裙肉】油脂十足；【薄切牛舌】爽口嫩滑，我就最鍾意【巨大牛小排】，一放落去個火就燒得好旺，消耗再落啲青檸汁食，減低油膩感，又別有一番風味。 【芝士白菌】芝士燒完有拉絲效果，令口感更幼滑；芝士鹹香跟菇類嘅鮮甜味道幾匹配。 【八爪魚】大大隻好震撼，好彩有店員幫手剪開嚟燒。口感煙靭，香口美味。 【傳統年糕湯】天氣凍，食個湯年糕感覺暖笠笠。 餐廳環境高雅，食材高質，價錢合理，推介！ 갈비궁 Galbi Gung 📍大圍車公廟路18號圍方3樓331號舖 #galbigung #香港探店 #韓牛 #圍方