👶🏻BB級行山路線推介 - 城門水塘🌲

路線：🎈城門水塘（菠蘿壩）小巴總站→🎈賞蝶園→🎈菠蘿壩自然教育徑→🎈白千層→🎈主壩→🎈城門水塘（菠蘿壩）小巴總站 💡成日都想行山，但行山一定需要體力嘅付出，有好多地方都未必啱小朋友行，但係今次呢個地方係連推住BB👶🏻👶🏻車都可以去到嘅路線，講緊就係位於城門郊野公園嘅菠蘿壩自然教育徑🤩🤩 ☺️城門郊野公園有好多條步行路線，難度不一，分別連接不同嘅地方，如針山。👍🏻👍🏻👍🏻 難度最低，適合新手的路線有環城門水塘一圈，全程大約8.5公里，沿路大多算平坦，只有少部分上斜路段，需時只係約2至3小時，如果想慢慢打卡、拍照，時間有機會更長啦📸 🌳🌲城門郊野公園風景秀麗，是不少香港人的郊遊勝地，而且又名「動植物天堂」，秋季可以尋找各種斑蝶之外，也可以見到成群結隊的獼猴；幸運的話，可以拍到「水浸白千層」的迷人美景或水中倒影😍 💕行山途中有幾個打卡位提提大家💕 ❤️白千層林道 道路兩旁有一排排「白千層」，喺中間走過猶如穿過綠色嘅時光隧道，所以係行山者必影嘅打卡點！聽講《山林道》MV就喺呢度取景。 ❤️水浸白千層 落雨之後，就會出現期間限定嘅「水浸白千層」，所以睇到抑或睇唔到？一定要靠彩數同運氣😂 ❤️賞蝶園 聽講秋天時嘅蝴蝶數量係最多，行山途中可以見到唔同品種的蝴蝶，不過我嗰日去就冇乜見到🥲🥲 🤩總括來講，呢條路線真係輕鬆零難度，想呼吸新鮮空氣又唔想付出好大體能嘅話，就可以考慮行呢條路先啦 👶🏻BB級行山路線推介 - 城門水塘🌲 路線： 城門水塘（菠蘿壩）小巴總站→賞蝶園→菠蘿壩自然教育徑→白千層→主壩→城門水塘（菠蘿壩）小巴總站 行程及長度： 約 3 小時，9.7 公里 難度： ⭐️ 容易，整體平坦易走 前往方法： ✨港鐵荃灣站B1出口，步行至兆和街，搭乘 82 號綠色小巴直達城門水塘。 ✨如果是乘坐巴士，可於可風中學巴士站下車，然後沿城門道步行，如果是乘坐小巴，則於兆和街上車，直達菠蘿壩小巴總站。 補給：菠蘿壩小巴總站一處設有小食亭，其後沿途均沒有設立補給站 Rating: ⭐️⭐️⭐️⭐️⭐️ #hongkong #discoveryhongkong #假日好去處 #行山路線推介 #星級作家衝衝衝