【和洋料理 招牌蛋包飯驚喜甜品】

呢間sogo附近嘅日式洋食屋，係來自佐賀縣嘅日本過江龍，主打和洋料理，蛋包飯、咖哩、甜品更係佢地嘅招牌菜！ 🍳鹿兒島和牛漢堡蛋包飯 ($168) 漢堡以鹿兒島和牛制成，厚度十足，煎完之後都保持鮮嫩，每一啖都滲出濃郁肉味同豐富嘅肉汁！蛋包飯超滑溜，入面包住蕃茄炒飯🍅配上惹味嘅日式咖喱汁，味道更香濃，係好正宗既日式蛋包飯👍🏼餐廳提供四款配料調味，包括炸蔥、椰絲、提子乾、福神漬，按個人喜好添加，增添層次感～ 🍝明太子帆立貝忌廉意粉 ($128) 微辣明太子配上濃厚忌廉，一定係意粉醬汁嘅天花板🥰帆立貝鮮甜彈牙，意粉軟硬度適中、非常掛汁，表面加咗明太子，撈勻後濃而不膩，十分推薦！ 🍵八女抹茶多士 ($138) 擺盤好靚好打卡📸 法式多士金黃鬆脆，口感輕盈且帶有空氣感，作為飯後甜品都唔會有負擔🫶🏻吐司配上濃郁嘅抹茶醬汁、甜滑嘅十勝紅豆蓉，簡直係絕配😆 仲有軟糯白玉、新鮮士多啤梨，非常滿足🥰八女抹茶雪糕唔會太甜，入口軟滑，帶有茶味回甘，抹茶控必試！ 總結：環境舒適，價錢唔算貴，可以一試～ 🍽UFUFU CAFE 📍銅鑼灣謝斐道535號Tower 535 1樓101-102號舖 @ufufu_coffee_sweets #fon銅鑼灣 #fon日式 #銅鑼灣 #銅鑼灣美食 #日式 #causewaybay #causewaybayfood #japanese #japanesefood #ufufucafe #matcha #frenchtoast #foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom