訪新店繼續超鮮活任食海鮮火鍋

呢間任食海鮮火鍋真係又抵又好食🫕,佢搬咗咁耐先第一次上嚟~ 依然係勁抵三百零蚊就可以任食活海鮮🦐,加多20蚊就包埋任飲~ 喺打邊爐之前可以揀款雞煲先🐔,我哋叫咗花膠雞煲~ 份量唔多,但可以添食👍,不過打邊爐先係重點~ 然後仲有靚湯飲🥣,今日係茶樹菇湯🍄~ 另外仲會送脆門鱔,估唔到門鱔可以咁整,好食過炸魚皮😋~ 而家仲有得送龍蝦海鮮拼盤🦞~ 個鮑魚真係新鮮🦪,上檯仲會郁郁下㗎! 而個龍蝦都唔錯,啲肉食落口非常彈牙🤩~ 仲有個蟹🦀,啲蟹膏勁甘香~ 佢嘅配料都好多選擇而且好特別,最好係可以揀半份或者全份~ 我最想念嘅係紫菜響鈴,但好似比以前大條咗好多😂😂~ 另外有個A4豆腐紙都好特別📃,比較似腐竹,但就鞋少少嘅質地~ 肉類除咗佢哋送嘅手切安格斯🐮,仲可以繼續任點安格斯牛肉同滑牛😚~ 而海鮮都有好多種類,最推介珍珠蠔,大蜆同埋鮑魚~ 最鍾意佢哋啲海鮮好新鮮🦑,因為呢度有魚缸養住~ 咁嘅價錢,咁嘅質素,實在係值回票價👍👍~ 📍阿爺八鮮鍋 香港尖沙咀金馬倫道48號中國保險大廈1樓A&B號舖 #阿爺八鮮鍋 #火鍋 #打邊爐