尖沙咀有情調西餐廳 | 黑松露盛宴

Villa 26位於尖沙咀中心，地點鄰近海旁，設有戶外座位，餐廳內佈置得好有情調，燈光稍暗增添幾分浪漫氣氛，環境舒適，特別適合帶同另一半嚟用餐 ▪️BLACK TRUFFLE SET DINNER▪️ 💰$1288/2 每一道菜式都有黑松露元素，菜式創新又有特色，而且擺盤都有花心思 ▪️Appetizer 🔸黑松露龍蝦牛油果蟹肉天寶及黑松露芝士沙律 擺盤超精緻，要打開個玻璃瓶好有儀式感，啖啖都食到絲絲蟹肉，當中仲混入黑松露同牛油果蓉，口感好有層次！旁邊嘅沙律菜伴住黑松露芝士粒，爽脆又好味 ▪️Soup 🔸黑松露野菌湯 啖啖香濃野菌味，飲到菇菌粒，成碗忌廉湯充滿黑松露香氣 ▪️Risotto 🔸海膽忌廉汁黑松露片燴飯 燴飯用上海膽忌廉汁，顏色搶眼又美味，米飯粒粒飽滿有口感，表面更灑上黑松露片 ▪️Main Course 🔸炭燒頂級美國肉眼扒配黑松露牛油 主菜有一份，肉眼扒大大塊可兩人分享，表面燒至微微帶焦脆，口感軟嫩多肉汁，塗上黑松露牛油更添香氣 ▪️Dessert 🔸黑松露法式焦糖燉蛋 燉蛋絲滑柔順，食到濃郁黑松露香氣，焦糖香脆又香甜，同燉蛋係perfect match! 🔸黑松露提拉米蘇雞尾酒 酒味較強勁，入口順滑又飲得到黑松露提拉米蘇味，幾特別又幾好味 🍴Villa 26 @villa_26_tst 📍尖沙咀麼地道66號尖沙咀中心地下G1-4, 22-26, 28-32及33A號鋪 #報名1月酒店試睡員2025