來自日本的正宗味道，天婦羅脆卜卜好出色

一段時間沒來這家來自日本的天丼店，發現他們menu新加入咗好多選擇，例如有御膳、壽司刺身前菜等等，而經典嘅天丼就依然係menu當中。 🐟辣味鮭魚他他拌蛋黃： 呢款前菜貌上非常精緻，炸紫菜加上辣辣地嘅吞拿魚同青瓜及蛋黃等，入口味道非常豐富。而且凍熱交融，幾特別。 🥣迷你丼及稻庭烏冬： 有六款迷你丼可以自選，當中部份需要加錢，部份唔使加錢，我哋就加咗$10要牡蠣天丼，配搭嘅麵亦都有六種，有凍有唔凍，最近天氣凍，所以我哋就揀咗溫嘅稻庭烏冬。烏冬質感好滑溜，加埋鰹魚花、蔥花同埋溫泉蛋一齊食，味道會更濃郁。而牡蠣天丼雖然細細碗但係都好足料，尤其係炸牡蠣，味道非常鮮甜，雖然炸咗，但係都食得出個鮮味。 🥣江戶前天丼： 穴子天婦羅係佢哋嘅招牌之一，望落超級長，打卡一流。穴子內裡厚身，但表層夠薄同香脆，入口軟綿綿咁。其他材料例如海老、小柱魷魚天婦羅餅、溫泉蛋、海苔同豌豆都很不錯，小柱魷魚天婦羅餅尤其出色，彈牙有致的。另外佢哋嘅天婦羅醬油亦都係畫龍點睛之處，微微甜微微鹹，無論係撈飯定係天婦羅都好夾，如果唔夠嘅話可以問職員攞。 ～～～ 金子半之助 灣仔皇后大道東200號利東街地下G16號