尖沙咀環境很好的韓式餐廳 醬油蟹好新鮮

📍韓雅林 🔍銅鑼灣軒尼詩道489號銅鑼灣廣場一期6樓 返工大壓力，收工就想大快朵頤，是日就約上好閨蜜👭黎呢間韓仔同事推介嘅韓式餐廳食晚餐。餐廳裝修行韓式復古風，深木色嘅枱櫈，加上好多侍應都識韓文，成件事都好韓國。 韓脈醬油蟹🦀係韓仔同事推介食嘅，之前去韓國一直都未有機會食醬油蟹，今次難得係香港見到有，而且得到韓仔同事認證話好食，即刻忍唔住試下。蟹膏非常足，入口鮮甜滑溜，同送嘅牛油飯非常夾，淡淡醬油香甜，加上蟹鮮味，令人印象好深刻。 . 主食叫了韓式煎餃子🥟及辣海鮮湯麵🍜，餃子好爆滿大隻，外皮微微煙韌，內裡餡料濕潤，韭菜豬肉粉絲餡同之前係韓國食到嘅味道一模一樣 海鮮湯麵就好足料，海鮮份量多面底好似烏冬嘅質地，熱辣辣，香辛香辛的，好暖胃。 . 另外亦都嗌咗一下烤肉試下，烤豬肉嫩口無咩筋味，調味恰到好處，甜甜地加上生菜中和油膩感，很不錯。 . 免費任食嘅韓式前菜都幾高質，最鍾意麻油香味好重嘅醬油茄子，綿密香甜薯仔，同扎實嫩滑煎豆腐。 ～～～ 韓雅林 銅鑼灣軒尼詩道489號銅鑼灣廣場一期6樓 餐廳環境雅緻，暗黃吊燈、深木色系寬闊桌椅、韓劇投影牆、韓文歌曲等等，每一個細節位都非常韓，加上大量韓國客人及韓國侍應，有種覺得自己去了一趟韓國🇰🇷小旅行的感覺。 韓脈🦀醬油蟹 （牛油飯免費） HANMAT Soy Sauce Crab （1pc-$280） 澎嘅蟹膏令人一見傾心，食落鮮甜中帶點醬油鹹香，好適合配燒酒，亦可以撈埋叫醬油蟹附送嘅紫菜牛油飯一齊食，兩者都好夾。 煎餃 4 $98 🦑海鮮蔥煎餅 Seafood Pancake （$128） 煎餅邊緣薄脆，大蔥、麵粉同海鮮嘅份量平衡得恰到好處，而且幾乾爽。 🐖辣烤豬肉 Pork Bulgogi （$150） 黎韓燒店一定要叫個烤肉先有Feel，佢地嘅烤豬肉份量不少，醃料有滲透到豬肉嘅每一串肌里之中，燒完之後熱辣辣又香甜，肉質軟嫩，搭配米飯🍚或生菜🥬都很不錯 🍜辣海鮮湯麵 Spicy Seafood Noodle Soup （$168） 海鮮頗足料，當中尤以魷魚份量特別多，面質偏軟身但不失彈性，加上洋蔥及野菜，香辣中帶點微甜及鮮味，大大碗，食得幾爽。 ⭐PS：任食嘅韓式小菜中，特別推介香甜綿密嘅薯仔及帶麻油香氣嘅冰凍茄子 #swallowkorea #swallowhongkong #韓燒 #銅鑼灣 #cwb #swallowcwb #係近期係銅鑼灣最中意嘅韓燒店啊 整體氣氛很好的尖沙咀高質韓式餐廳 ～～～ 年底約上朋友來這間韓國餐廳相聚，一進門口便是溫馨的生日牆，看來很多人在這裡慶祝生日。由於很熱鬧，加上裝修很韓式，整個用餐氣氛都很不錯。 看到很多人在烤肉，感覺很吸引，不過由於韓燒需要最少點兩樣韓燒的食材才可以燒，我們人又不多，所以還是沒有order韓燒，轉而order了一些不用燒的食物，水準一樣很到位。 -馬鈴薯排骨湯 薯仔口感粉綿粉綿的，而且好吸湯。排骨份量多且煮得軟爛中不失彈性，加上清熱解膩的菜乾，整個調味很惹味，建議最後再加點一個公仔面加落湯，才不會浪費了濃郁的湯汁。 -醬油蟹及牛油飯 醬油蟹非常新鮮，滿滿橙黃色的蟹膏，貌相誘人，加上滿滿紫菜的生蛋黃拌飯，入口滑溜鮮甜。 -人蔘雞湯 天氣凍凍的，很適合飲人蔘雞湯。雞肉非常嫩口，加上中央的飽肚糯米、紅棗及人蔘等，熱辣辣的一口一口，非常暖身和滋補。 另外值得一提的是，餐廳的韓式小菜款式很多，味道也很不錯，當然個人最愛是鹵水鵪鶉蛋及脆肉瓜，前者緊實彈牙，鹵水汁香甜香甜的，後者則好清新，帶少許麻油香氣，保留邊緣少少脆口，口感調味都很到位。