西貢高質新鮮海鮮🦞

最近喺西貢試咗一間高質海鮮餐廳，餐廳環境非常舒適，無論係室內房間定戶外座位，都十分適合一大班人聚會。戶外座位仲有靚靚燈飾，氣氛非常chill。海鮮即撈即煮，非常新鮮。 首先揀咗涼拌蟶子皇！蟶子通常清蒸或者爆炒，但餐廳獨創咗呢款涼拌做法，真係令人驚喜。蟶子灼熟後保持鮮甜嫩滑，配埋特製嘅涼拌醬汁，酸甜之餘又帶少少辣味，非常開胃嘅前菜。 小食拼盤係餐廳必試之選😍避風塘脆金磚拼西貢墨魚餅。 避風塘脆金磚外層炸得香脆，內裡豆腐嫩滑，配埋避風塘嘅蒜香同辣椒碎，真係香口惹味。 墨魚餅，手打嘅墨魚餅充滿彈性，入口Q彈鮮味，完全食得出係用新鮮墨魚製作，值得一試😋 另外，椒鹽鮮鮑魚好好味🤤鮑魚煙韌彈牙，外層炸得香脆，椒鹽嘅鹹香同鮑魚嘅鮮味完美結合，每一口都充滿層次感！ 生焗啤酒尿蝦 ，呢款新菜式好有創意。用啤酒同瀨尿蝦結合，帶嚟全新嘅味覺體驗。瀨尿蝦用啤酒浸泡，肉質滲入淡淡嘅酒香，生焗嘅做法令肉質保持鮮嫩，配埋薑蔥同胡椒嘅香氣，整體味道鮮甜濃郁，絕對係一大亮點。 糟池汁龍蝦配脆米粉，龍蝦🦞肉質厚實彈牙，糟池汁本身酸甜微辣，帶有濃厚嘅泰式風味，加埋脆卜卜嘅米粉，醬汁同脆米粉一齊入口，層次豐富，非常滋味！ 最後甜品有杞子桂花糕及益力多糕。杞子桂花糕有淡淡清香；益力多糕酸酸甜甜。食埋個甜品非常滿足。 📍勝記海鮮酒家 西貢西貢大街33-39號地舖 #海鮮 #西貢 #西貢海鮮 #聚會 #美食 #西貢美食 #香港美食 #龍蝦 #鮑魚 #seafood #香港必食 #香港景點 #旅遊 #餐廳推介 #海鮮推介 #foodie #hkfood #hkfoodblog #seafoodporn #hkeats