可樂迷聖誕必到之處

#聖誕好去處2024 如果你同我都係可樂迷，今個聖誕必定要到Alva Hotel 吃自助餐，甚至住宿，肯定會有無限驚喜！ 踏入酒店大堂，近4米高、掛滿可口可樂裝飾的巨型聖誕樹，是不可錯過的打卡點。另一邊，又有以可口可樂罐砌成的聖誕樹牆，好有特色。 酒店自助餐亦既是可樂主題，亦已加入了節日美饌，包括燒原隻火雞、美國斧頭扒肉眼、可樂炆和牛肋條，以及可樂豉油雞等。 甜品當然就更加有強烈的節日感，多款傳統節慶甜點，譬如聖誕果子餡餅、聖誕薑餅、栗子蜜柑啫喱禮物盒，及造型一絲不苟的杏仁糖樹頭蛋糕和開心果意大利芝士聖誕樹等。另外，仲設有聖誕打卡區，樂趣無窮。 如果住埋房，仲有聖誕住宿優惠，可口可樂主題客房滿佈可樂佈置之餘，仲可以參觀可口可樂博物館。今年聖誕，我呢個可樂迷真係高興到不能言喻。