上環意式文青cafe🤩

#聖誕好去處2024 #上環美食 #上環美食推介 #上環好去處 #香港美食 #香港好去處 #本地遊 #cafe #上環cafe 其實小妹好少係上環蒲頭，所以對於上環都唔太熟悉，前排同朋友去中山公園游水前，諗住係附近醫下肚先，最終就係上環見到哩間細細地既cafe😎 Cafe既外觀其實好樸素，以木系裝修作主題，內裡就配以紅色為主調，整體感覺都幾warm👍🏿Cafe分左兩層，地下果層座位比較少，適合飲杯咖啡chill 下~而上層既座位比較闊落同多，適合同朋友聚會😉餐廳以qr code落單，非常方便，但要留意返佢地唔同時短有唔同野食供應~ 今次我地試左佢地既野食、主食同甜品😺野飲方面，我地試左焦糖香蕉可可🍫同開心果白玉燕麥奶🥛兩款野飲先睇賣相已經贏左~以為前者只係普通香蕉朱古力奶，但估唔到佢個底有濃郁既香蕉蓉，同可可攪勻一齊飲，可見店家既用心😍後者既白玉已經為杯野飲加左唔少分，因為小妹好仲意食煙韌既野🤭飲落去有好濃既開心果味，但少有失策就係自己未攪勻，所以個底有啲甜，但整體味道係好好的，仲有粒粒開心果咬到🤣 主食方面，我地試左經典卡邦尼煙腩肉麻花卷粉🐷同水牛芝士蕃茄粗管通粉🍅。兩者既賣相依然出色，兩款粉既硬度適中；前者既卡邦尼汁同麻花卷粉好夾，啲汁充分地掛係啲粉上面，煙腩肉都好香口😋後者既蕃茄汁好開胃，芝士遇熱後都有拉絲既效果😻 重頭戲當然係甜品啦~開心果既巴斯克蛋糕好似好common，但好唔好食又係另一回事，不過哩度既開心果巴斯克係令我有驚喜，因為佢既口感豐富，上層係軟滑既開心果cream，下層係結實少少既開心果巴斯克蛋糕，兩層都有超濃既開心果味，入口好creamy🤤 哩間cafe雖然唔係鬧市中，但環境同美食，絕對值得我再回頭，當然都想推介比開心果控或pasta控啦，因為佢地兩款野都做得好出色😝 📍Sofi PASTA Co. 文咸東街6號地舖