🌟秋冬暖胃懷舊粵菜 @六國酒店粵軒

秋冬天氣最啱食d暖胃菜式， 之前就同成班好友去六國酒店粵軒食懷舊粵菜， 有蛇羹，羊腩煲，煲仔飯等，全部食落完都暖笠笠呀！ 🐍太史燴蛇羹(例窩 $628 / 每位 $218) 這道蛇羹好足料，用上大量🐍蛇骨熬煮三個鐘以上，搭配蛇肉、金華火腿、木耳和冬筍，再加入陳皮絲同薑絲，更具驅寒效果！食時更可上白菊、芫荽同薄脆，增添風味，食後好暖身又暖胃。 🐐枝竹羊腩煲($580) 羊腩煲選用新鮮羊腩，特別鮮味，肉質滑嫩，幣完全冇羶味，搭配枝竹、冬菇同爽口馬蹄，好入味，滋味無窮，啱晒冬天食呀！ 🧡鮑魚梅菜排骨煲仔飯(每位 $318 ,兩位起) 有四隻鮑魚搭配梅菜，鮑魚鮮甜又彈牙，梅菜排骨好餸飯，飯粒吸收哂醬汁，香氣撲鼻！ 🐮和牛粒滑雞煲仔飯(每位 $280 ,兩位起) 和牛粒香口、雞肉滑嫩，煲底仲有香脆嘅飯焦！ 🍲臘味煲仔飯(每位 $218 ,兩位起) 有多款臘味，包括臘腸 、 臘鴨 、 膶腸 、臘肉，好經典嘅配搭，飯粒充滿臘味油香！ 🦀釀焗蟹蓋($168 / 隻) 賣相好吸引，蟹蓋焗至金黃色，內裏充滿新鮮蟹肉與芝士，濃郁又鮮甜！ 🦐豉油皇煎大蝦/梅子煎大蝦($408 / 4隻) 大蝦肉質厚彈，蝦頭好多膏，兩款口味各有特色，豉油皇香濃，而梅子煎大蝦比較少食到， 清甜又惹味！ 💚翡翠海參鵝掌($588 ,各4件) 海參同鵝掌呢個絕配嘅組合，海參經過鮑魚蠔油炆製，入口滑嫩，鵝掌亦好入味又夠淋！ 💙砵仔焗魚腸($198) 這道焗魚腸係好懷舊嘅粵菜，好耐冇食啦，焗魚腸表面微焦，內部充滿魚腸，口感滑嫩，無腥味，蛋呀亦好香！ 💛香煎琵琶豆腐($198 / 8件) 琵琶豆腐外層香脆，內裏豆腐滑嫩，搭配菇類和蛋，淋上芡汁，口感層次好分明！ 🍑賀壽蟠桃 同朋友慶祝生日，呢個賀壽蟠桃就至啱啦， 細細個，內裏包裹著香甜嘅蓮蓉和蛋黃，口感軟熟！ 🍴粵軒 Canton Room 📍地址 : 灣仔告士打道72號六國酒店一樓 ⏰營業時間 : 10:00 - 15:00 & 18:00 - 23:00 #六國酒店#粵軒 #cantonroom#灣仔美食 #香港美食 #粵菜 #中菜 #中菜廳 #香港酒店#香港餐廳 #懷舊菜#hk#hkig#hkfoodie#carol美食圖鑒#聖誕好去處2024