雙冬羊腩煲

今日想食羊腩煲，經朋友介紹話呢度啲羊腩好食，我哋就要試吓啦！呢度係冇堂食，只得外賣，我哋18:30嚟到已經賣晒第一輪，職員叫我哋19:30再嚟，我哋買完再到朋友屋企食。 羊腩煲有分幾個價錢＄88例牌（1人份量），相中＄388（3-4人份量）仲有＄688、$888要早兩日訂，因為職員話呢兩個價錢係用新鮮羊肉，全部係腩部位。 我哋就買咗一個$388 嚟食。佢哋包裝得好好，好密實，還有個保暖袋保溫。 雖然平價係用雪藏羊肉，但都炆得好腍好入味，係有幾嚿肉比較靭，羊肉皮香滑煙靭，最可惜係個汁比較甜。 食羊肉嘅靈魂係腐乳醬，加埋佢哋自家製嘅腐乳醬，口感更惹味！ **依家買羊肉送手撕雞** 手撕雞好夠味，肉質嫩滑。 整體嚟講係好食嘅！值得推介！😋 📍地址：味香薈x羊癮起（土瓜灣） 土瓜灣上鄉道1號地舖 🕰️營業時間：星期一至日 （10:30-20:30） #香港美食 #羊腩煲外賣 #土瓜灣