超豐富！逸東酒店普慶餐廳自助晚餐

忙完一輪😌就諗起想食大餐💗即刻約屋企人去逸東酒店普慶餐廳 The Astor食dinner buffet 。依家有【蟹逅龍蝦🦀🦞】自助餐～有超多海鮮料理😍全場設有7大美食專區，共有2百多款環球美食💗真係食到大滿足呀！ 港風裝潢很有地道特色！用餐區空間感大，吃得特別舒服💗 🌟海鮮冷盤 有好多海鮮冷盤無限量供應🤭包括生蠔丶松葉蟹蟹腳丶海蝦丶麵包蟹丶翡翠螺丶青口～最鍾意有鮮味十足嘅美國生蠔🦪仲有勁多膏嘅麵包蟹💗蟹腳都好鮮甜呀，海鮮控表示好正～ 🦀🦞蟹逅龍蝦 Buffet 以蟹+龍蝦作主題，龍蝦🦞有開邊芝士焗龍蝦和清蒸粉龍蝦輪流供應，熱辣辣原汁原味，爽口彈滑！週末限定有馬來西亞海鮮大雜燴，19:10一轉🤭大大鑊海鮮香噴噴👍🏼不可錯過仲有鮮味濃郁嘅蟹肉濃湯。 🌟其他環球美食 燒味區每日有限時供應嘅片皮鴨，一聽到鐘聲就去排隊啦💗中式熱盤仲有好惹味嘅薑蔥炒蟹丶麻辣鮑魚雞煲丶清蒸海紅斑都係唔可以Miss 㗎。 刺身夠晒新鮮，有大約五六款選擇。燒烤檔有燒春雞丶意大利豬腩卷丶澳洲牛肩胛．．滿足肉食朋友💗仲有現場即燒串燒+炸物檔，有香噴噴燒大蝦丶豬腩丶茄子．．還有各款炸天婦羅。 🥰甜點 甜品區選擇都好多，見到大部分都是小小精緻的～那就好了，就算吃好飽也可以嘗多幾款。贈送嘅夏日羊羹超靚💗造型令人諗起碧綠嘅海灘～moverpick 雪糕櫃有成六款口味🤭當晚吞了六大球😂好happy。 🥂水吧 推介特飲斑斕椰乳冰～清香有特色。另外，週五至週日仲免費提供白酒丶紅酒丶啤酒丶汽水無限量暢飲🤭 #香港好去處 #香港美食