開心果梳乎厘

呢間餐廳嘅午餐選擇幾吸引，價錢又唔貴，性價比幾高🍴 首先講個沙律同湯，田園沙律勝在新鮮，材料都幾豐富。是日餐湯係南瓜湯，南瓜味幾濃郁，暖胃又舒服。 主菜方面，我揀咗個香煎慢煮雞胸牛肝菌醬手工捲意粉🍝$108。雞胸肉煎得啱啱好，嫩滑唔鞋，而且唔會乾爭爭。牛肝菌醬嘅味道好香濃，意粉嘅口感亦都彈牙，整體嚟講係一個好有水準嘅意粉！ 另外，個全日早餐$108🍳🍞都幾吸引，材料豐富，有煎番茄、腸仔、煙肉、炒蛋、牛油果、雜菌同埋蒜蓉多士。份量都幾多，夠晒飽肚！ 飲品方面，抹茶拿鐵🍵拉花靚靚。凍拿鐵有忌廉都唔錯，味道香濃。 最後，甜品開心果梳乎厘幾驚喜🥞！梳乎厘口感輕盈鬆軟，開心果味香濃，甜度適中，食落去完全唔會覺得膩，係一個完美嘅Ending！ 呢間餐廳嘅午餐選擇多元化，食物質素唔錯，價錢合理，服務態度亦都唔錯🫰🏻 📍INN - I’m Not Nothing 觀塘協和街33號裕民坊YM² 2樓205號舖 #梳乎厘 #開心果 #souffle #pancake #soufflepancake #dessert #lunch #alldaybreakfast #latte #coffee #hkfoodie #foodrecord #foodblog #followmetoeat #yummy #soufflé