1908bc British Chinese📍Sheung Wan

打完邊爐夜晚再同朋友去上環食英中菜 老闆熱情好客～推介招牌菜色 酒鬼揀係先揀左Cocktail 先啦 🍹Pornstar Martini 呢款好得意，有兩杯分開左 老闆介紹可以左一啖又一啖，之後再溝埋一齊飲 細杯既係 1 shot Vanille Vodka 熱情果味突出～呢個飲法非常有特色 朋友要左Suzie Wong 聞落已經有好香既荔枝味～比較Fruity 頭盤： 蝦多士配甜辣醬$160/4件 Butterfly Prawn Toast 海量既芝麻，多士炸到金黃色，有一隻完整既蝦 咬落鬆化可口一D都唔油，蝦爽口彈牙，蘸埋酸甜醬絕配 🦆香酥鴨跟薄餅$200 Crispy Aromatic Shredded Duck 原隻鴨脾上～老闆幫忙拆肉 再教我地將薄餅鋪係碟 搽小小鴨醬～不過不要蘸太多 純粹點綴一下～因為鴨本身已有味道 再加青瓜等配料～卷埋就食得 鴨肉嫰～有別於我地平時食既片皮鴨～各有千秋 主菜： 招牌咖哩 House Special $268 包括有雞、蝦、雜菜 半飯半薯條～平時好少有呢個配搭 老闆話佢地既咖哩係係英國果邊入貨後自家製 相比平時食開既咖哩少左椰漿味 亦都比較少咸相對健康～用料豐富 蔬菜： “KFC” 甜酸辣椰菜花$118 唔切開會以為係咭嚕雞球 口感特別～好有驚喜 期間同老闆傾計先知呢度已經開左3年幾 有唔少明星幫襯～ 除左Walk in外 亦可以book房訂私房菜 可要求主廚度身訂製菜單 海鮮龍蝦、扇貝、石斑等 今日訂明早到，絕不過夜，200%新鮮 環境優美，座位舒適，仲有戶外座位 下次可以帶屋企人嚟