🧳Staycation🧳 🏨千禧新世界香港酒店🏨

#必去staycation 分享下千禧嘅套房，呢間係之前同朋友開party住過，佢個房型比較特別係客廳有多一個客廁，個廳又大，真係好適合開party用，當然前提係疫情放緩，防疫措施放寬返。 💠特色 ✅ 雙廁所特色套房，配備免治馬桶同Dyson風筒 💠酒店及客房裝潢 我一向對新世界嘅建築設計都好有好感，鄭志剛不愧係讀藝術嘅，旗下物業嘅建築都係睇得出有花心思嘅。千禧嘅大堂好大好有氣派，最重要係好多staff去預備去serve你，佢係唯一一間酒店我一入門口就有種比人簇擁嘅感覺😂。 講番間房，呢款套房係全新裝修，裝修有少少日式家居嘅感覺，比較溫馨自然。個廳好大，連一張四座位嘅飯枱，兩張組合式梳化，再加一個客廁。睡房裏面再多一張飯枱，主廁就連住睡房。主浴室好大，一邊係浴缸，一邊係淋浴間同廁所，廁所配嘅係千禧嘅招牌免治馬桶。浴室仲配備咗Dyson風筒，沐浴用品牌子係Elemis。訂套房送迎賓甜點果盤，包房內minibar non-alcoholic drinks，生日再送一小盒朱古力。 💠酒店餐飲 第二朝嘅早餐喺一樓Cafe East度食，食物種類款式都算唔錯，有齊中西式，熱盤、粉麵同沙律、cold cut🍽️。作為中式控嘅鴕鳥媽欣賞佢中式點心種類比較多，再加一碗靚粥就大滿足😋！另外值得一提佢嘅西式烘焙包點🥐都做得好精緻。 💠行政酒廊 千禧嘅行政酒廊聚賢薈會提供一餐傍晚雞尾酒，聚賢薈嘅裝修亦都係好有設計感，一排落地大玻璃睇海景一流，坐得舒服，服務周到。唯一係啲嘢食一般，最好食喺個炸雞😆。 💠總括評語 酒店整體嘅CP值都幾高，佢嘅裝修同服務同隔離Hotel ICON相若，但係價錢稍為平少少，同另一個鄰居海景嘉福差唔多。而且房間設計有自己嘅特色所在，房間餐飲服務都一致保持水平，係其中一間我對佢幾有好感嘅酒店。希望第時有機會可以試到再高一級嘅套房，想試下個按摩浴缸😁。 🏨參考房型：尊尚海景套房，66平米 💵參考價錢：$3158（週末） 🚶🏻‍♂️地址：九龍尖沙咀東部麼地道72號 #抵玩酒店 #鴕鳥媽自肥日常 #海景酒店 #套房 #海景套房 #行政酒廊 #尖沙咀酒店 #千禧新世界香港酒店 #本地遊