中環靚景四川菜💕1935

每月一日嘅拍拖日👫去咗1935食四川菜🌶️🌶️🌶️餐廳裝潢好有格調，一面係落地玻璃，對住中環夜景🌃，氣氛浪漫💕 1935原來係創辦人婆婆嘅出生年份，菜式都係沿用Grandma’s recipes呢！ 香酥軟枕($85) 好有詩意嘅菜名，原來係炸素鵝！素鵝好厚身，腐皮外面炸得香脆，層層鬆化，內裡軟綿，配特製醬汁，辣辣地，增加刺激感😍 重慶水煮桂花魚($315) 桂花魚魚肉新鮮，肉質爽彈嫩滑，而且好厚肉，啖啖肉，口感好好。湯底香料味好突出，層次豐富，唔算好辣，所以唔太食得辣嘅朋友都食到，但如果鍾意食辣嘅就可能會嫌唔夠😂底下仲有薯粉，吸晒湯汁嘅精華，好惹味🐟 螞蟻上樹($105) 螞蟻上樹，即係免治豬肉炒薯粉。薯粉炒得乾爽有穫氣，毫不油膩，如果彈牙d會更有口感🏅 黑糖糍粑($75) 即點即整，外皮熱騰騰又香脆，內裡麻糬軟糯有彈性，黑糖漿不多不少，甜度恰到好處💕