高級感刺身魚生👥鮨瀛海8-10人「姬」套餐

家人生日搞生日會，一於叫個套餐返屋企慢慢嘆👥 成員中不乏打卡控，要食就要食又質素有賣相嘅🤨 想聚會都可以做到滿滿嘅高級感，又想食高質刺身魚生，今次就試咗呢間來自尖沙咀嘅鮨瀛海，叫咗一個8-10人套餐「姬」套餐包括前菜、沙律、生蠔、壽司、刺身、炸物同甜品，內容超級豐富，五顏六色咁賣相十分精緻，滿足到食得靚嘅需求✨ 日式前菜有幾款，分別係中華沙律、帶子裙邊、黃蘿蔔、車厘茄同酸梅，七彩繽紛好有喜慶嘅感覺，開胃又滿足👀 沙律一共有三款，分別係水蜜桃肉鬆沙律、蟹籽沙律同明太子翡翠螺沙律。先講水蜜桃肉鬆沙律🍑 新鮮爽口嘅沙律菜配埋多汁香甜嘅水蜜桃，然後灑上肉鬆，係好開胃嘅沙律🤟 蟹籽沙律入面有蟹柳同青瓜絲，淋上酸酸哋嘅胡麻醬，一啖食曬超滿足，蟹籽份量仲非常多，卜卜爽脆‼️ 而明太子翡翠螺沙律嘅翡翠螺彈牙又有趙頭，配上少少咸嘅明太子好夾😆 時令生蠔有8隻，生蠔上鋪上魚子醬，矜貴得很✨ 每隻生蠔都有獨立嘅檸檬，肉質好肥美同新鮮，滑入口中帶出淡淡嘅海水味💦 食完一隻舌頭同口腔已經在回味，高質👍 板前OMAKASE壽司40貫（日本直送10款） 分別有加州卷同各款刺身壽司🍣 特別推介佢哋嘅灸燒類壽司，表面烤得微焦黃，令魚生嘅油脂飽滿地融入口中🤭 炙燒下嘅半生熟更能帶出油香，加埋啲壽司飯超滿足💁 板前OMAKASE刺身27切（日本直送9款）當打開呢一份刺身盒就驚喜到好似收到禮物一樣🎁因為靚到好似個小花園咁🎋而且每個細節都非常用心～多款肥美嘅刺身排得整齊，擺盤非常精緻🥰 食材亦非常新鮮，如赤蝦入口鮮甜緊實；帶子肉厚鮮甜。而我覺得最驚喜係有螢光魷魚，甜甜鹹鹹嘅醬醃味道同魷魚嘅海水味好夾，有少少爆漿嘅口感好過癮😎 炸物一共有四款，包括靜岡自家製唐揚炸雞、日式焦糖芝士年糕、紫蘇吉列廣島蠔同炸蝦🦐特別鍾意日式焦糖芝士年糕🤲 年糕被紫菜包住，外層掃上一層焦糖，年糕包住滿滿嘅芝士，軟軟糯糯咁😚 雖然套餐由拎返屋企至全家開動都要一段時間，但炸物仍然保持香口，唔會話淋晒咁，幾有驚喜🙈 而且炸物唔會太油膩，點埋佢哋嘅沙律醬好惹味🤩 甜品係朱古力忌廉蛋捲❤️ 蛋糕鬆軟忌廉軟滑，有少少香蕉味🍌 蛋捲外層仲印咗好靚嘅花紋上去，係視覺同味覺嘅雙重享受🤝 如果要我形容鮨瀛海呢個套餐，我一定會用賞心悅目嚟形容🌸 每款食材靚到令人心情愉悅。而且食物唔係剩係得個樣，而係真係食到「鄉下」嗰種味道🇯🇵 大家都被其新鮮征服了，證明佢哋嘅料理高質兼認真製作💕 估唔到外賣店都可以做到呢種認真同專業，呢個價錢有咁嘅食物質素絕對係值回票價🏆 🥢鮨瀛海 #魚生 #刺身 #hkparty #hkig #hkfood #foodhk #hkfoodie #foodiehk #tsimshatsui #ighk #partyhk #likeforlike #鮨瀛海 #hkfoodlover #hkfoodblogger #相機食先 #hkblogger #到會 #日本菜 #外賣 #hkblogger #hkfoodblog #hkfoodstagram #hkfoodie #生蠔 #hksushi #hkfoodstagram #甜品 #hkdessert #desserthk