香港探店 鴻星📍旺角

大閘蟹迷嘅你，鍾意蟹乸香濃嘅紅膏定係鍾意蟹公軟糯嘅白膏呢？我就兩種都咁鍾意，爆晒膏嘅蟹加上鮮甜嘅蟹肉，簡直係人間美味！ 而家仲係食大閘蟹嘅季節，一定要好好把握！【皇者大閘蟹】套餐，每人3隻大閘蟹，還有前菜、湯羹、蟹粉小籠包、小菜同甜品，真係極之豐富！ 😍兩皇一后玩足一晚！每人會有兩隻蟹公，約5兩，蟹膏香滑，蟹肉鮮甜可口。差唔多食完蟹公，就會再上蟹乸，時間啱啱好。蟹乸重約3兩，蟹膏紅黃交替，比較硬身香濃，正～ 套餐一開始有前菜【煙鴨胸拼青瓜】「熱身」。之後就有【花膠雞絲翅】滿滿雞絲，柔順暖胃。 跟係我好鍾意嘅【鮮拆蟹粉小籠包】，聽講係每日即製，兩隻小籠包就用咗一隻大閘蟹喇！皮超薄，裡面包住金黃色蟹粉同湯汁，滿足感爆棚。 食完蟹，跟住係三個小菜，其中最好食當然係【黑松露炒蝦球】。蝦仁大隻又爽彈，同黑松露一同炒制，香氣四溢。【鮮鳳梨黑豚肉】酸酸甜甜夠開胃，用咗新鮮菠蘿特別香甜。 最後，套餐以薑茶芝麻湯圓作結，唔單只係甜品，仲可以驅寒添！ 鴻星中菜 📍旺角太子道西193號MOKO新世紀廣場6樓601A號舖 #foodie