小茶角 - 濕地公園旁邊小清新小茶角

黎到濕地公園，都想搵間飲品休息下飲杯野 係濕地公園旁邊既Wetland Season Bay就有呢一間小茶角，就好似佢座落係香港既角落，就到黎享受一下佢地茶飲 開心果朱古力 $45 係開心果呀！ 佢地一共有三款開心果飲品。分別係開心果鮮奶，開心果咖啡，同埋呢一款開心果朱古力 行左成日就梗係飲杯朱古力補充下糖分啦 朱古力又香又濃，唔錯 一層厚厚既開心果醬，香滑又唔會太過火，點聚一下非常合適 芝士奶蓋烏龍 $30 黎到小茶角當然要試下佢地既茶啦 紅茶就揀左呢個芝士奶蓋烏龍 茶底係幾濃味既烏龍茶，佢地既奶蓋偏濃稠，混和後都仲有大部分奶蓋留左係面 不過咁樣mix埋既奶茶味道好平均，而且我叫左走甜，可以更加清晰咁飲到茶同奶既味 白桃貴妃龍井 $38 青茶就揀左呢款白桃貴妃龍井，清清甜甜，解渴一流 佢本身有椰果，如果唔夠仲可以加其他配料 煙三文魚牛角包 $65 佢地既牛角包好脆身，口感好唔錯 煙三文魚味道都好重，配埋一齊口感唔錯 班尼迪蛋配煙三文魚牛角包 $88 呢款係佢地既signature breakfast，不過配料同頭先既煙三文魚牛角包好接近 而佢就更加多左又香又軟滑既班尼迪蛋，連埋蛋汁一齊食就更加有層次 蒜香白酒煮蜆 $98 蒜味超重，每一淡都係濃濃既蒜香味道