九龍站圓方韓式輕食cafe甜品高質又特別

嚟咗圓方呢間韓式cafe，忍唔住要叫佢哋嘅窩夫同刨冰。今次我哋坐到側邊嘅榻榻米卡位，闊落舒適。 粒粒三文魚紫菜包飯 $105 主食叫咗份紫菜包飯share，飯卷入面都幾足料，除咗有三文魚肉，仲有唔同嘅蔬菜，面頭再加咗三文魚子。 伯爵茶布甸牛角包窩夫 $145 重點當然係佢哋嘅甜品，其中窩夫keep同一貫嘅水準，酥脆鬆軟，伯爵茶忌廉夠香夠滑又唔會太甜。跟窩夫仲有雪糕同伯爵茶布甸，布甸亦都係整得非常出色，口感滑溜，蛋香同茶香十足。 釜山粟米刨冰 $110 覺得好特別就叫咗呢個粟米刨冰，冰底口感綿密，淋上香甜粟米忌廉再配埋燒粟米，啖啖都係香濃粟米味。而最估唔到嘅係刨冰入面竟然收埋咗好多粟米片，增添一層香脆口感，鍾意食粟米嘅朋友一定唔可以錯過。 挪威芝士咖啡 $46 鍾意飲咖啡嘅朋友就叫咗呢杯挪威芝士咖啡，面頭鋪滿芝士碎，賣相已經夠晒特別。鹹香嘅芝士同咖啡出奇地夾，又唔會蓋過咖啡嘅香味。 盛放花開燕麥奶 $52 我就想好訓d叫咗杯燕麥奶，面頭鋪咗d花瓣做點綴，飲落仲有淡淡嘅花香。 。 。 Coffee Hwajeon 커피화전 (尖沙咀) 尖沙咀柯士甸道西1號ELEMENTS圓方水區1樓1028B號舖 。 。 #韓國菜 #親子好去處 #香港好去處 #全球旅行 #cafe #九龍站 #圓方 #圓方美食 #香港好去處 #香港美食 #香港打卡 #香港美食指南 #甜品 #甜品控 #窩夫