🇭🇰| 尖沙咀- The Mira 國金軒 精緻豐富極尚大閘蟹套餐

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 適逢大閘蟹季，美麗華酒店嘅中餐廳，國金軒都推出咗佢哋嘅大閘蟹套餐。 每位只需要$888，就可以享受到佢哋豐富又精緻嘅大閘蟹套餐。 呢度環境舒適空間寬敞，人流好多，但係都唔會覺得嘈，係非常之舒服嘅寧靜空間 。 𝗪𝗛𝗔𝗧 𝗪𝗘 𝗢𝗥𝗗𝗘𝗥 大閘蟹套餐 一共有八個菜式，有一半菜式都係用蟹粉做㗎！ 而且款款味道濃郁，一定會食到蟹粉味之餘仲唔會影響到其他食材嘅味道添，配合得好完美咁先至體現到大廚嘅功力 ✨ 四季春煙燻雞縱菌溏心蛋 煙燻味的全部留咗喺外面，但係味道已經超級香。再加上雞縱菌有獨特香味，同埋佢少少辣辣地嘅味道，整體香濃又有層次 ✨ 蟹粉冬絲豆腦素翅羹 非常香濃嘅蟹粉素翅，每一啖都食到蟹粉味之餘，佢哋嘅素翅羹亦都係非常之滑。加上用咗素翅真係非常之環保♻️ ✨ 鮮紫蘇蒸大閘蟹 大閘蟹新鮮，熱辣辣蒸好放喺枱面。 一打開大閘蟹入邊，蟹膏幾多架。 味道香濃又好食，好enjoy呀 💕 食完仲有一杯薑茶驅寒，真係好貼心 ✨ 蟹粉芙蓉鍋巴老虎蝦 呢度菜真係好特別，特別在於佢嘅配料，用左虎蝦，蟹粉，同埋賽螃蟹🦀 賽螃蟹雖然係假蟹，但係因為有蟹粉嘅加持 令到佢以假亂真 ✌🏻 喺個蟹宴入邊食到賽螃蟹係毫無違和感 👍🏻 ✨ 蠔皇八頭湯鲍伴鮮蔬 雖然呢個八頭湯鲍冇用蟹粉做，更加容易食得到鮑魚獨特嘅味道。 ✨ 紅燒雛鴿 每人有半隻乳鴿，非常香脆好食 ✨ 灌湯蟹粉小籠包 成個餡都係蟹粉，Mix得好好，完全唔會單獨食都有豬肉味。而且個皮非常之薄，食嘅時候真係要小心，如果唔係一夾就穿。 ✨ 薑茶金薯湯丸 最後上埋一款甜品收尾😍 用咗薑茶，有驅寒嘢作用。 食咗咁多蟹同蟹粉，的確係要驅下寒呀👌🏼 而薑就最夾湯丸啦，完美組合打破唔到😎 ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ Cuisine Cuisine 國金軒 📍 三樓, The Mira Hong Kong, 118-130號 Nathan Rd, Tsim Sha Tsui #報名10月酒店試睡員 #100種旅行方式