🇮🇹上環 意大利X地中海菜 高質有情調🥰 JUNO🥂

上環行經JUNO 已經俾佢既裝修吸引住 藍綠色既牆身 內裡裝修時尚優雅 配上吊燈 柔和既燈光 予人浪漫愜意既用餐環境 好有情調🥰 當晚好多人都係到慶祝 餐廳仲會送張即影即有 慶祝一流☺️ 食物方便可以揀A la Carte / Tasting Menu 以意大利X地中海菜為主 我地叫左Tasting Menu 5款前菜 主菜 甜品 都有 好豐富 擺盤精緻 且味道高質😊 前菜 💥Iberico Ham 48 Months 西班牙風乾火腿香氣十足 咸鮮肉感恰到好處 好夾溫熱既麵包😆 💥Burrata Pugliese 水牛芝士口感幼滑帶奶香 撈埋榛子碎粒 小蕃茄 沙律菜 橄欖油既香味清新開胃😀 💥Charcoal Peperonata 甜椒&茄子既烤味略帶煙燻感 幾突出 食落水潤帶甜椒既香甜 仲有陣陣魚香 原來係用左棕色鳳尾魚油醋😯 💥Tuna Tartare 以呑拿魚蓉整成既他他加上脆米片 味道較為清淡 用左檸檬汁更加突顯出魚鮮味😋 💥Padron Peppers 油炸西班牙甜青椒 表皮幾香脆 咬落仲有陣陣橄欖油香😝 主食 💥Seafood Fideos 初試海鮮砂鍋西班牙短麵 西班牙紅蝦大大隻 熟度恰到好處 鮮甜彈牙😎 仲有好多滿滿既蝦膏 濃郁鮮甜 加左D爽口墨魚粒 增添口感 而短麵就吸收哂海鮮既精華同蕃茄汁 掛哂汁 好惹味😌 甜品 💥Tiramisu 口感幼滑，味道香甜滲出微微既咖啡香味 滿滿既朱古力粉係面 內裡既Cream Cheese 口感軟綿幼滑 帶微微既咖啡香 回味無窮😋 💥Tarte Tatin 幾特別既甜品 第一次食 有少少似Apply Tart 但又唔係 切開係一層層既蘋果片 焦香甜潤 帶微微果酸 配埋極香滑既奶油同雪糕 絕配🥳 飲品 💥Touraine Vignoble Gibault (by glass) 白花柑橘味突出 帶明顯酸度 幾襯前菜既食物😆 💥Ginger Lemonade 簡單清爽 配較濃既野食 可以消膩😀 是夜大滿足 餐廳服務都好好 值得再訪😍 JUNO @Junohongkong 📍上環永樂街88號地舖 ---- #地中海菜 #意大利菜 #香港美食 #上環 #上環美食#100種旅行方式